O‘zbekiston Respublikasi Mudofaa vazirligi

Bayram tadbirida mahalliy hokimlik vakillari, Sharqiy harbiy okrug qoʻshinlari qoʻmondonligi maʼsul ofitserlari, faxriylar, davlat va jamoat tashkilotlari xodimlari ishtirok etishdi.

Unda so‘zga chiqqanlar harbiy qism shaxsiy tarkibini ushbu qutlug‘ sana bilan tabrikladi. Jumladan, harbiy qism o‘z tarixi, an’analari va qahramonlik yo‘liga egaligi, uning tashkil etilishi mamlakat mudofaa tizimini mustahkamlashga, milliy xavfsizlikni ta’minlashga qaratilgan muhim qadam bo‘lganligini alohida ta’kidlab, harbiy xizmatchilarning Vatanga sadoqat, intizom va jangovar shaylik borasidagi yutuqlarini e’tirof etishdi.

Sana munosabati bilan jangovar va ma’naviy-ma’rifiy tayyorgarlik borasida, harbiy okrug va Mudofaa vazirligi miqyosdagi musobaqalarda muayyan yutuqlarga erishgan va yoshlarni vatanparvarlik ruhida tarbiyalashda munosib hissa qo‘shgan bir guruh harbiy xizmatchilarga faxriy yorliq va esdalik sovg‘alari topshirildi.

Yakunda mehmonlar e’tiboriga yurt himoyachilarining qo‘l jangi chiqishlari namoyish etildi.

Sharqiy harbiy okrug matbuot xizmati