O‘zbekiston Respublikasi Mudofaa vazirligi

Ushbu loyiha doirasida Markaziy harbiy okrug hududidagi harbiy shaharchalarda yashil maydonlarni kengaytirish va harbiy xizmatchilar uchun qulay muhit yaratish maqsadida keng ko‘lamli daraxt ekish tadbiri tashkil etildi.

Bahorning ilk kunidayoq ota-bobolarimizning qutlug‘ an’anasini munosib davom ettirish maqsadida bir guruh harbiy xizmatchilar qo‘llariga belkurag-u yosh daraxt ko‘chatlarini tutgancha dala tomon otlandi. Ona tabiat va kelajak avlod uchun o‘zlarining novdalarini yer bag‘riga qadashdi. Yurt o‘g‘lonlari bu tadbir orqali havoning tozaligini saqlash, tuproqni eroziyaga uchrashdan himoya qilish bilan birga iqlimni barqarorlashtirishga hissa qo‘shishdi.

Darhaqiqat, hozirgi kunda iqlim o‘zgarishining ta’siri har bir hududda o‘z aksini topmoqda. Yurtimizning turli burchaklarida amalga oshirilayotgan daraxt ekish tadbirlari jarayonga qarshi samarali choralar ko‘rish imkonini yaratadi. Harbiy okrugda tashkil etilgan daraxt ekish tadbirlari ham mintaqaviy ekologik muvozanatni saqlash va harbiy xizmatchilarga ekologik ongni singdirish g‘oyalari bilan ahamiyatli bo‘ldi.

Markaziy harbiy okrug matbuot xizmati