Navoiy viloyatning 3 ta shahar va 9 ta tumanidan kelgan ishtirokchilar dastlab harbiy orkestr sadolari ostida koʻtarinki kayfiyatda kutib olingach tibbiy ko‘rikdan o‘tkazildi.

Malakali harbiy shifokorlar tomonidan tibbiy koʻrikdan oʻtkazilgach, ishtirokchilarga harbiy liboslar tarqatildi va yoshlar yigʻinning tantanali ochilish marosimi uchun saf tortdi.

Unda soʻz chiqqan okrug qo‘mondonligi, viloyat hokimligi hamda mutasaddi tashkilot rahbarlari, bu yerda yoshlarni taʼlim olib, hunar egallashlari uchun davlatimiz tomonidan keng imkoniyat eshiklari ochilganini alohida taʼkidladilar.

Jumladan, kun tartibiga koʻra yigʻin rejasi asosida turli nazariy va amaliy dars mashgʻulotlari oʻtkazilishi, turli ko‘rik tanlovlar hamda sport musobaqalarining o‘tkazilishi ham belgilanganligini va unda barchani faol bo‘lishga undab yoshlarni ruhlantirishdi.

Tadbirda yoshlar qalbida milliy ruh, ona-Vatanga mehr va sadoqat, adolat tuyg‘usini har tomonlama kuchaytirish maqsadida buyuk ajdodlarimiz jumladan, Amir Temur hamda Jaloliddin Manguberdi haqidagi sahna ko‘rinishlari hamda harbiy orkestr jamolarining konsert dasturlari namoyish etildi.

Markaziy harbiy okrug matbuot xizmati