Unda Parj-2024 Paralimpiya o‘yinlari  ishtirokchilari, Xalqaro Armiya o‘yinlarining g‘olib va sovrindorlari, O‘zbekiston qolaversa jahon arenalarida yurtimiz bayrog‘ini yuqorilarga ko‘targan sportchilar, garnizonlardagi harbiy xizmatchilar, faxriylar hamda yoshlar ishtirok etishdi.

Uchrashuv davomida zamonamiz qahramoniga aylangan sportchilar ham o‘zining bosib o‘tgan mashaqqatli yo‘llari, erishgan yutuqlari, o‘qish va sport sohasini uyg‘unlikda olib borish, sport va jismoniy tarbiyani inson hayotidagi o‘rni va ahamiyati haqida batafsil ma’lumotlar berishdi.

Shuningdek, sportchilarimiz musobaqalar davomida o‘zining azmu shijoati va mahorati, mustahkam iroda va jasoratini namoyon etib, Vatanimiz tarixida mislsiz natijalarga erishgani g‘urur va iftixor ila tilga olindi.

Uchrashuv yakunida mehmon sportchilarga tashkilotchilar tomonidan tashakkurnoma va esdalik sovg‘alari topshirildi.

Markaziy harbiy okrug matbuot xizmati