Bag‘rikeng xalqimiz azal-azaldan yordamga muhtoj, imkoniyati cheklangan insonlarga e’tibor va g‘amxo‘rlik ko‘rsatishni eng muhim qadriyatlardan biri sifatida e’zozlab keladi.

Harbiy xizmatchilar ham maktab internati tarbiyalanuvchilariga bayram shukuhini ulashish maqsadida tashkil etgan tadbir harbiy orkestrning kuy-qo‘shiqlari va faxriy qorovulning ko‘rgazmali chiqishlari bilan boshlandi.

Qorbobo va ertak qahramonlarini gavdalantirgan sahna ko‘rinishlari barchaga birdek manzur bo‘ldi. Bolajonlar tomonidan ijro etilgan kuy-qo‘shiqlar va raqslar tadbirga yanada ko‘tarinkilik baxsh etdi.

Tadbir so‘ngida bolajonlar uchun bayram dasturxoni yozilib qo‘mondonlikning yangi yil sovg‘alari ulashildi.

Mudofaa vazirligi Axborot va ommaviy kommunikatsiyalar departamenti