Harbiy xizmatchilarning farzandlari uchun “Yangi yil oqshomi” nomli konsert dasturlari namoyish etildi
2024-12-29 13:05:00 / Yangiliklar
Qish fasli kirib kelishi bilan Yangi yil bayramiga taraddud boshlanadi. Bu bayram ayniqsa bolajonlar uchun alohida ahamiyatga ega. Ota-onalar esa ta’tilga chiqqan farzandlariga bayramona kayfiyat bag‘ishlash uchun ularni turli bayram tomoshalariga olib borishni istashadi.
Bu borada Markaziy harbiy okrugining barcha garnizonlaridagi harbiy qism va muassasalarida harbiy xizmatchilarning farzandlari uchun viloyatlardagi qo‘g‘irchoq teatri bilan hamkorlikda “Yangi yil oqshomi” sahnasi namoyish etildi.
Tashkil etilgan bayram tadbirida, ertak qahramonlari Shum bola, Yalmog‘iz kampir, Qor malikasi, o‘rmon hayvonlari hamda qorbobo va qorqiz ijrosidagi spektakllar hamda taniqli so‘z ustalari ishtirokidagi konsert dasturlarni namoyish etilgani barchaga bir olam quvonch va shodlik ulashdi.
Markaziy harbiy okrug matbuot xizmati