Bayram tadbirida Mudofaa vazirligi rahbariyati, kuch-tuzulmalari vakillari, vazirlik va idoralarning masʼullari, Qurolli Kuchlar faxriylari hamda harbiy xizmatchilar ishtirok etdi.

Tadbirda milliy armiyamizning asosiy bo‘g‘ini, armiya madaniyati va uning kadrlar siyosatini belgilovchi kasb vakillarining mashaqqatli va sharafli faoliyati e’tirof etilib, yurt o‘g‘lonlarining maʼnaviy dunyo qarashini boyitish yo‘nalishlarida olib borilgan ishlar sarhisobi bo‘yicha g‘oliblar nomi e’lon qilindi:

• maʼnaviy-maʼrifiy ishlar yo‘nalishi bo‘yicha “Eng ilg‘or qo‘mondonlik”– Markaziy harbiy okrug;
• harbiy xizmatchilarning jangovar ruhini oshirishga “Eng katta eʼtibor qaratgan qo‘mondonlik” – Sharqiy harbiy okrug;
• huquqiy madaniyatini oshirish va huquqbuzarliklar profilaktikasi yo‘nalishidagi “Eng ilg‘or qo‘mondonlik” – Toshkent harbiy okrugi;
• harbiy xizmatchilar va ularning oilalari ijtimoiy himoyasiga “Eng katta eʼtibor qaratgan qo‘mondonlik” – Havo hujumidan mudofaa  qo‘shinlari va Harbiy havo kuchlari qo‘mondonligi;
• yoshlar bilan ishlash yo‘nalishi bo‘yicha “Eng ilg‘or qo‘mondonlik” – Janubi-g‘arbiy maxsus harbiy okrug hamda Toifalangan obyektlarni qo‘riqlash qo‘shinlari qo‘mondonligi;
• madaniy hordiq tadbirlarini tashkil etishda “Eng katta eʼtibor qaratgan qo‘mondonlik” – Shimoli-g‘arbiy harbiy okrug.

Shuningdek, tadbir davomida Mudofaa vazirligi qo‘shinlarida o‘tkazilgan “Eng ilg‘or mutaxassis” ko‘rik-tanlovida g‘olib bo‘lgan harbiy xizmatchilar ham munosib taqdirlandi. Jumladan:

• “Eng ilg‘or brigada, batalyon va vzvod komandirining  tarbiyaviy va mafkuraviy ishlar bo‘yicha o‘rinbosari” yo‘nalishlarida – podpolkovnik  Bahodirjon Azimboyev, kapitan  Orifjon Oydinov, leytenant  Xurshid Hoshimov;
• “Eng ilg‘or  kadr organi ofitseri” va “Eng ilg‘or harbiy kasbiy-saralash organi ofitseri” yo‘nalishlarida – podpolkovnik  Farhodjon Shodiyev, mayor Shavkat Mahamadiyev, mayor  Muxiddin G‘afforov hamda mayor Mirkomil Hamidov;
• “Eng ilg‘or harbiy psixolog”, “Eng ilg‘or boshlang‘ich tashkilot yetakchisi” va “Eng yaxshi kitobxon” yo‘nalishlarida – leytenant Doston Mamashev, kapitan Qodirjon Imamov, kontrakt bo‘yicha harbiy xizmatchi oddiy askar Nurali Mo‘minov  diplom va qimmatbaho sovg‘alar bilan taqdirlandilar.

Shuningdek, bir qator harbiy xizmatchilar va Qurolli Kuchlar faxriylari ham sana munosabati bilan кўкрак нишонлари ва qimmatbaho sovg‘alar bilan taqdirlandilar.

Tadbirda yangragan kuy va qo‘shiqlar barchaning qalbida ona Vatanga muhabbat, harbiylik kasbiga sadoqat tuyg‘ularini yana-da jo‘sh urdirdi.

Kapitan Shohrux SAIDOV,

Mudofaa vazirligi Axborot va ommaviy kommunikatsiyalar departamenti