Yigʻinning tantanali ochilishida so‘zga chiqqanlar ushbu yig‘in yoshlar uchun koʻp imkoniyatlar va sharoitlar yaratib berishini so‘zlab, undan oqilona foydalanish lozimligini va o‘tkan yig‘inlardagi yoshlarning erishgan yutuqlarini misol keltirib, yig‘in ishtirokchilariga ulkan muvofaqqiyatlarga erishishini tilashdi.

Bundan 10 kun oldin Qashqadaryo viloyatining Muborak va Nishon tumanlarida boshlangan “Jasorat maktabi” o‘quv yig‘inlari esa o‘z nihoyasiga yetdi.

Yig‘inda yigitlar har kunni erta tongdan badantarbiya mashg‘ulotlari bilan boshlab, kun davomida jismoniy, harbiy va saf tayyorgarligi kabi o‘quv mashg‘ulotlarda shuningdek, kasb-hunar egallashga qaratilgan darslarda ishtirok etib, bilim va ko‘nikmalarini oshirib borishdi.

Tantanali yopilish marosimida yoshlarga egallagan kasb-hunarlari bo‘yicha sertifikatlar hamda turli sport musobaqalarida g‘oliblikni qo‘lga kiritganlarga qimmatbaho sovg‘alar topshirildi.

Janubi-g‘arbiy maxsus harbiy okrug matbuot xizmati