Surxondaryodagi harbiy qismlarda “Ochiq eshiklar kuni” va “Uch avlod uchrashuvlari” o‘tkazildi
2024-10-07 12:40:00 / Yangiliklar
Harbiy qismga tashrif buyurgan yoshlar harbiy orkestr sadolari ostida kutib olindi. Shundan soʻng harbiy qismlarda barpo etilgan “Adiblar bogʻi”, “Harbiy qism tarixi muzeyi” va sport majmualari bilan tanishgan ertamiz egalari yurt himoyachilari uchun barcha qulayliklar yaratilganiga guvoh boʻldilar.
Shundan soʻng harbiy qism madaniyat markazi binosida “Uch avlod uchrashuvlari” boʻlib oʻtdi. Tadbirda soʻzga chiqqan faxriylar tomonidan mamlakatimizda yoshlar oʻz qobiliyatlarini roʻyobga chiqarishlari uchun yaratilgan barcha shart-sharoitlar haqida batafsil maʼlumotlar berildi.
Tadbirning badiiy qismida harbiy xizmatchilar tomonidan buyuk siymolar hamda jadidlar hayotini aks ettirgan sahna koʻrinishlari, turli targʻibot videoroliklar va harbiy orkestr jamoasining Vatanni madh etuvchi kuy-qoʻshiqlar ijro etildi.
Janubi-g‘arbiy maxsus harbiy okrug matbuot xizmati