Qashqadaryo viloyati Muborak tumani hokimligi

Darhaqiqat, xalqimizning ulkan jasorati va matonati bilan 1991-yil  31-avgustda qoʻlga kiritilgan Oʻzbekiston Respublikasining davlat mustaqilligi koʻp ming yillik tariximizdagi hech qachon unutilmaydigan, qadr-qimmati va ahamiyati yillar, asrlar oʻtgani sayin tobora ortib boradigan buyuk tarixiy voqeadir. Xalqimiz uchun yangi davr, erkin va ozod hayotni boshlab bergan ushbu qutlugʻ sana har bir inson, har bir oila hayotida oʻz oʻrniga ega. Shu bois ham bu ayyomni har birimiz oʻzgacha koʻtarinkilik va mamnunlik bilan kutib olamiz. Ayniqsa bu yilgi bayram “Vatan uchun, millat uchun, xalq uchun!” degan ezgu gʻoya asosida nishonlanishi zamirida ham yurtdoshlarimizning Vatanimizga boʻlgan yuksak mehri va cheksiz faxru iftixori mujassamdir. Bugun mamlakatimizning qay bir goʻshasiga kirib bormang goʻzallikni, bir-biridan baland hashamatli binolarni, koʻrkam va shinam uy-joylarni, tobora ravonlashib borayotgan keng yoʻllarni koʻrasiz. Bular oʻz-oʻzidan bunyod boʻlayotgani yoʻq. Buning zamirida Muhtaram Yurtboshimiz Shavkat Mirziyoyev taʼkidlaganlaridek, Vatanimiz mustaqilligini asrab, uning barqaror taraqqiyotini taʼminlab kelayotgan mard va bagʻrikeng xalqimizning halol va fidokorona mehnati, istiqlol gʻoyalariga sadoqati yotibdi. Joriy yilda davlatimiz rahbarining tashabbusi bilan tumanimizga jami  328.3 milliard soʻm mablagʻ yoʻnaltirilmoqda. Shundan, byudjetda nazarda tutilgan mablagʻlar 98.1 milliard soʻm, bank kreditlari 230 milliard soʻm, Tadbirkorlik infratuzilma xarajatlariga 19.1 milliard soʻm, shundan, drayver loyihalar uchun zarur infratuzilma uchun 2.5 milliard soʻm, "Eng ogʻir ahvoldagi 5 ta mahalla"  infratuzilmasini yaxshilash uchun 16.6 milliard soʻm, Tashabbusli byudjet va mahalla byudjet uchun 26.1 milliard soʻm, shundan, tashabbusli byudjet 24.8 milliard soʻm, Investitsiya dasturi doirasida kapital, qurilish-taʼmirlash ishlariga 32.3 milliard soʻm, Obodonlashtirish dasturisha 6.2 milliard soʻm, Ijtimoiy soha Dastur xarajatlariga 12.1 milliard soʻm, Tadbirkorlikni qoʻllab-quvvatlash xarajatlariga 2.1 milliard soʻm mvblagʻ ajratilib, hozirgi vaqtda tizimli va rejali ishlar amalga oshirilmoqda. Shu oʻrinda, Taʼlim sohasida amalga oshirilayotgan islohotlar Bolani yoshligidan barkamol inson qilib tarbiyalash davlat siyosatining ustuvor yoʻnalishi etib belgilandi. Natijada, joriy oʻquv yilini tamomlagan bitiruvchilarning 40 foizi davlat oliy taʼlim muassasasiga oʻqishga kirib, bu koʻrsatgich boʻyicha tumanimiz yoshlari viloyatda birinchi natijani qayd etishdi. Yaratilgan shart-sharoit va imkoniyatlar natijasida bugun oʻquvchi-yoshlarimiz nafaqat respublika va xalqaro doiradagi tanlovlarda ishtirok etmoqda. Gʻolib va sovrindorlar qatoridan joy ham olishmoqda. Shu oʻrinda, Muhtaram Prezidentimiz Shavkat Mirziyoyevning bir gaplarini aytib oʻtmoqchiman: “Birlashsakkina oldimizga qoʻygan ulkan-ulkan marralarga albatta yetamiz”. Shunday ekan, oʻz insoniy burchi va fuqarolik masʼuliyatini chuqur anglab, istiqlolimizni mustahkamlash uchun fidokorona mehnat qilayotgan ishchi va xizmatchilarga, qaysi soha boʻlishidan qatʼiy nazar, Vatan ravnaqi, yurt farovonligi yoʻlida jonbozlik koʻrsatayotgan har bir insonga, Davlatimiz rahbari bot-bot taʼkidlaganlaridek, Yangi Oʻzbekistonning yangicha fikr va qarashga ega boʻlgan, azmu-shijoatiga havas qilsa arzigulik yoshlarimizga alohida minnatdorchilik bildiraman. Biz siz bilan bir yoʻldamiz. Yangi Oʻzbekiston – maʼrifatparvar davlatimiz tinchligi va farovonligiga aslo koʻz tegmasin! Yurtimiz tinch, xalqimiz omon, osmonimiz musaffo, mustaqilligimiz abadiy boʻlsin!