Bosh prokuraturaning masʼul xodimi Muborakda tashkil etilgan shtab faoliyatini oʻrgandi
2025-04-26 12:30:00 / Yangiliklar
Bosh prokuraturaning masʼul xodimi Dilshod Oqmamatov rahbarligidagi ishchi guruh tomonidan Prezidentimizning “2025 yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish boʻyicha chora-tadbirlar toʻgʻrisida”gi qarori ijrosini taʼminlash maqsadida Muborak tumanida tashkil etilgan shtab faoliyati oʻrganildi.
Shuningdek, Ichki ishlar, Milliy gvardiya, xotin-qizlar, bandlik, yoshlar va boshqa tashkilotlar rahbarlariga kriminogen vaziyati ogʻir boʻlgan mahallalarda qaror ijrosi boʻyicha amalga oshirilgan ishlar yuzasidan qatʼiy soʻrov tizimi yoʻlga qoʻyilganligi, “mahalla yettiligi” va “ijtimoiy profilaktika”ga masʼul boʻlgan mutasaddilarga “namunali xavfsiz yoʻlak” va “namunali xavfsiz koʻcha”larni tashkil etish, mahallalarni toʻliq videokuzatuv bilan qamrab olish, probatsiya hisobida turgan shaxslar muammolarini oʻrganish va amaliy yordamlar koʻrsatish boʻyicha ishlarni jadallashtirish lozimligi koʻrsatib oʻtildi.