Qashqadaryo viloyati Muborak tumani hokimligi

O‘zbekiston Respublikasi Prezidentining 2026-yil 5-yanvardagi “Respublika mahallalarida xavfsizmuhitni yaratish yo‘nalishida yaxlit, manzilli ishlash tizimini joriy etishga qaratilgan qo‘shimcha chora-tadbirlar to‘g‘risida”gi PQ–1 va PQ–2-sonli qarorlari bilan mamlakatimizda huquqbuzarliklar profilaktikasini tashkil etishning mutlaqo yangi, samarali va tizimli yondashuvi belgilab berildi.
 
Shu o‘rinda alohida ta’kidlash joizki, mahallalarda xavfsiz va barqaror muhitni shakllantirishda har bir fuqaroning faolligi, hushyorligi va befarqbo‘lmasligi muhim ahamiyat kasb etadi. Zero, huquqbuzarliklarning oldini olish faqat davlat idoralarisa’y-harakatlari bilangina emas, balki aholininghuquqiy ongi, fuqarolik mas’uliyati va o‘zarohamjihatligi orqali samarali ta’minlanadi.

Bugungi kunda huquqbuzarliklarning yana bir vamurakkab ko‘rinishi, xususan o‘g‘rilik jinoyati tumanimizda eng ko‘p uchrayotgani xavotirlidir. Aksariyat hollarda ushbu jinoyatlar fuqarolarning beparvoligi, mol-mulkni yetarli darajada himoyalamaslik, uy-joy va xo‘jalik obyektlarida xavfsizlik choralariga amal qilmaslik oqibatida sodir etilmoqda.

Bunda, xonadonlar, ayniqsa mol-mulk vachorva mollari xavfsizligini ta’minlash masalasida beparvolikka yo‘l qo‘ymaslik muhimdir. Zarurat tug‘ilganda qo‘shimcha kuzatuv kameralarinio‘rnatish, yoritish tizimlarini yaxshilash, zamonaviyqulf va himoya vositalaridan foydalanish huquqbuzarliklarning oldini olishda samarali choralarhisoblanadi.
 
Hurmatli yurtdoshlar!
Jinoyatchilikka qarshi kurashish — bu nafaqat huquqni muhofaza qiluvchi organlarning xizmat vazifasi, balki har bir fuqaroning konstitutsiyaviy burchi va fuqarolik mas’uliyatidir. Ogohlik, hushyorlik va o‘zaro hamkorlik jinoyatchilikka qarshi kurashishning eng ishonchli va samarali vositasidir.
 
Shuni unutmang, jinoyatga jazo muqarrar. Bugungi ogohlik — ertangi xavfsizligimiz, farovonligimiz va osoyishtaligimizning mustahkam garovidir.
 
Hurmat bilan,
Dilshod Shermatov
Muborak tumani prokurori