Mo‘ynoq tumanida Xalq deputatlari tuman Kengashining 31-sessiyasi bo‘lib o‘tdi
2026-03-12 11:55:00 / Yangiliklar
Sessiyada 2026-yil mahalliy byudjetining 1-yanvar holatiga aniqlangan erkin qoldiq mablag‘lari va ularning maqsadli yo‘naltirilishi muhokama qilindi.
Sessiyada 2026-yil mahalliy byudjetining 1-yanvar holatiga aniqlangan erkin qoldiq mablag‘lari va ularning maqsadli yo‘naltirilishi muhokama qilindi. Shuningdek, mazkur mablag‘larning sarflanishi yuzasidan aniq taklif va qarorlar ko‘rib chiqildi.
Shuningdek, sessiyada hududni rivojlantirishga qaratilgan qator muhim masalalar ham muhokama etildi. Jumladan, 2026-yilda ayrim turdagi tovarlarni chakana sotish huquqi uchun yig‘im stavkalariga qo‘llaniladigan koeffitsiyentlar, ichki yo‘llarni saqlash va kichik ta’mirlash ishlari bo‘yicha dastlabki manzilli ro‘yxatni tasdiqlash masalalari ko‘rib chiqildi. Bundan tashqari, hukumat qarorlari asosida tumanda amalga oshiriladigan ishlar bo‘yicha tegishli vazifalar belgilab olindi.
Shu bilan birga, aholi farovonligini oshirishga qaratilgan tashabbuslar ham sessiya kun tartibidan o‘rin oldi. Jumladan, talaba ayollar kontrakt to‘lovlari uchun mablag‘ ajratish, ko‘p kvartirali uylar tutash hududlarida “Yashil bog‘lar” tashkil etish hamda yer resurslaridan samarali foydalanish bo‘yicha qarorlar qabul qilindi. Sessiya yakunida hududni ijtimoiy-iqtisodiy rivojlantirishga xizmat qiladigan muhim hujjatlar tasdiqlandi.