Bugun Mo‘ynoq tumani Xalq deputatlari Kengashining 28-sessiyasi bo‘lib o‘tdi
2026-01-30 15:55:00 / Yangiliklar
Sessiya davomida tumanning ijtimoiy-iqtisodiy rivojlanishiga, aholi farovonligini oshirishga va boshqaruv samaradorligini kuchaytirishga qaratilgan 9 ta dolzarb masala ko‘rib chiqildi.
🔹 2026-yilda kambag‘allikni qisqartirish va aholini band qilish bo‘yicha ustuvor vazifalar haqida tuman hokimining xalqqa yo‘llagan murojaati tinglandi;
🔹 2025-yilda oila va xotin-qizlar bo‘limi tomonidan amalga oshirilgan ishlar yakunlari;
🔹 Davlat organlari va tashkilotlarida fuqarolar murojaatlari bilan ishlash holati muhokama qilindi;
🔹 "Mo‘ynoq tuman yo‘llardan foydalanish korxonasi" direktorining 2025 yilgi hisoboti ko‘rib chiqildi;
🔹 Jamoatchilik fikri asosida tadbirlarni shakllantirish va byudjet jarayonida fuqarolarning faol ishtirokini ta’minlash bo‘yicha ishchi komissiyaning hisoboti tinglandi;
🔹2025-yilning IV choragiga mo‘ljallangan mahalliy byudjet muassasalarining xarajatlar smetasiga o‘zgartirishlar kiritish masalasi ko‘rib chiqildi;
🔹 Tuman Kengashining doimiy komissiyalari tarkibini qayta tasdiqlash to‘g‘risida qaror qabul qilindi;
🔹 Hududlarni rivojlantirish, bandlikni jadallashtirish maqsadida ishlab chiqilgan "drayver" loyihalardan samarali foydalanish bo‘yicha chora-tadbirlar dasturi muhokama qilindi;
🔹 Deputatlarning 2026-yilning I choragida saylovchilar oldida hisobot berish jadvali tasdiqlandi.
✨ Ko‘rib chiqilgan har bir masala - tumanning barqaror rivojlanishiga, aholining turmush sifatini yaxshilashga qaratilgan aniq qadam hisoblanadi.