Ssuda - kambag‘allikni qisqartirish, bandlikni rag‘batlantirish va tadbirkorlikka jalb etish va uni rivojlantirish uchun Jamg‘arma mablag‘lari hisobidan ko‘rsatiladigan jismoniy va yuridik shaxslarga qaytarib berish sharti bilan beriladigan moliyaviy ko‘mak.

 

SSUDANING TURLARI, SHARTLARI VA MAQSADLARI

 

KASANACHILARNI JALB QILGAN TADBIRKORLAR UCHUN SSUDA (Aylanma mablag‘ uchun)

Miqdori: 4 120 000 so’mgacha

Maqsadi: O’zini o’zi band qilmoqchi bo’lgan ishsiz fuqarolarni yoki kambag’al oilalar a’zolarini kasanachi sifatida ishga olgan tadbirkorlarga

Mablag’ ajratish turi: Pul ko’chirish orqali tadbirkorning hisobraqamiga o’tkazib beriladi.

Izoh: Har bir jalb qilingan kasanachi uchun bazaviy hisoblash miqdorining 10 baravarigacha miqdordagi 3 yilgacha muddatga foizsiz ssudalar ajratiladi. Tadbirkor kamida 10 nafar kasanachini ishga qabul qilishi hamda ajratiladigan ssudaning jami miqdori BHMning 200 baravaridan oshmasligi talab etiladi.

 

ASBOB-USKUNALAR UCHUN SSUDA

Miqdori: 20 600 000 so’mgacha

Maqsadi: Kambag’al oila a’zolariga o’z faoliyatini boshlashi uchun zarur bo’lgan asbob-uskunalarni xarid qilishga 6 oydan 3 yilgacha muddatga

Mablag’ ajratish turi: Pul ko’chirish orqali ta’minotchining hisobraqamiga o’tkazib beriladi.

Izoh: 1. “Jamg’arma”, “Fuqaro”, “Ta’minotchi” o’rtasida smart-market.uz platformasi orqali ssuda hisobidan asbob-uskuna yetkazib berish to’g’risida uch tomonlama shartnoma tuziladi.

2. Jamg’arma va talabgor o’rtasida ssuda to’g’risida shartnoma tuziladi.

3. Talabgor tomonidan ssuda belgilangan muddatlarda qaytarilmagan taqdirda, mavjud qarzdorlik qonunchilik hujjatlarida belgilangan tartibda undiriladi.

 

DEHQONCHILIK VA BOG‘DORCHILIK UCHUN SSUDA (quduq, nasos, sug‘orish)

Miqdori: 82 400 000 so’mgacha

Maqsadi: Kambag’al oilalarga dehqonchilik va bog’dorchilik tashkil qilish uchun dehqon xo’jaliklariga suv quduqlarini burg’ilash, nasos agregatlarini sotib olish, tomchilatib sug’orish tizimini o’rnatish va elektr tarmoqlarini tortish uchun 6 oylik imtiyozli davr bilan 5 yilgacha.

Mablag’ ajratish turi: Pul ko’chirish orqali ta’minotchining hisobraqamiga o’tkazib beriladi.

Izoh: 1. “Jamg’arma”, “Fuqaro”, “Ta’minotchi” o’rtasida smart-market.uz platformasi orqali ssuda hisobidan asbob-uskuna yetkazib berish to’g’risida uch tomonlama shartnoma tuziladi.

2. Jamg’arma va talabgor o’rtasida ssuda to’g’risida shartnoma tuziladi.

3. Talabgor tomonidan ssuda belgilangan muddatlarda qaytarilmagan taqdirda, mavjud qarzdorlik qonunchilik hujjatlarida belgilangan tartibda undiriladi.