Aholi va qishloq xo‘jaligini ro‘yxatga olish hamda mahallalarda jinoyatchilikka qarshi kurashish borasidagi ishlarga bag‘ishlangan uchrashuv bo‘lib o‘tdi
2026-01-13 13:30:00 / Yangiliklar
O‘zbekiston Respublikasi Prezidentining "O‘zbekiston Respublikasida aholi va qishloq xo‘jaligini ro‘yxatga olish tadbirini o‘tkazish to‘g‘risida"gi Farmoni hamda 2025 yil 3 yanvaridagi “2025 yilda Respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yana-da oshirish bo‘yicha chora-tadbirlar to‘g‘risida”gi PQ-1-sonli Qarori ijrosi yuzasidan Mirzo ulug‘bek tumanida bir qator amaliy chora-tadbirlar olib borilmoqda.
Vrachlar malakasini oshirish institutida Mirzo Ulug‘bek tuman hokimi Boxodir Gaibnazarov boshchiligida, tuman IIO FMB boshlig‘I podpolkovnik I.R.Rashidov, tuman prokuraturasi va tuman soliq inspeksiyasi, Ichki ishlar Akademiyasi vakillari, tumandagi barcha korxona va tashkilotlar rahbarlari, mahalla raislari boshchiligida mahalla yettiligi va keng jamoatchilik vakillari ishtirokida uchrashuv tashkil etildi.
Unda, joriy yilning 15 yanvaridan, 28 fevralgacha o‘tkaziladigan Aholi va qishloq xo‘jaligini ro‘yxatga olish tadbirlarini tashkil etilishi, tuman mahallalarida jinoyatchilikni barvaqt oldini olish, korrupsiya holatlariga barham berish, yoshlarni bo‘sh vaqtlarini mazmunli o‘tkazishlariga sharoitlar yaratish to‘g‘risida so‘z yuritildi.