Mirzaobod tumani hokimi Abduraxim Umarov “Startaplar kuni” doirasida tumandagi istiqbolli startap loyihalar mualliflari bo‘lgan yoshlar bilan ochiq muloqot o‘tkazdi.
2026-07-06 19:25:00 / Yangiliklar
Samimiy va konstruktiv ruhda o‘tgan uchrashuv davomida yoshlarning innovatsion g‘oyalari, biznes tashabbuslari hamda ularni amaliy qo‘llab-quvvatlash masalalari keng muhokama qilindi. Har bir startap loyihasi yuzasidan taklif va tashabbuslar tinglanib, ularni rivojlantirish hamda amaliyotga joriy etish bo‘yicha mas'ullarga tegishli vazifalar belgilandi.
Xususan, qishloq xo‘jaligida raqamli yechimlarni joriy etishga qaratilgan “Agro Sir”, ijtimoiy xavfsizlik yo‘nalishidagi “Safe Uz” hamda sun’iy intellekt asosida yaratilgan tibbiy yordam platformasi “Hamroh AI” startap loyihalari alohida e’tirof etildi. Ularning amaliy ahamiyati, hududda joriy etish imkoniyatlari va istiqbollari yuzasidan fikr almashildi.
