Sirdaryo viloyati Mirzaobod tumani hokimligi

Tuman hokimi Abduraxim Umarov boshchiligida o‘tkazilgan yig‘ilishda apparat xodimlari, korxona va tashkilotlar rahbarlari ishtirok etdi. Unda korrupsiyaning oldini olish, xizmat faoliyatida ochiqlikni ta’minlash, ijro intizomini mustahkamlash hamda har bir rahbarning mas’uliyatini oshirish masalalari atroflicha muhokama qilindi. Bugungi kunda korrupsiyaga qarshi kurashish davlat siyosatining ustuvor yo‘nalishlaridan biri ekanligi, bu boradagi talablar barcha bo‘g‘inlarda qat’iy bajarilishi zarurligi alohida ta’kidlandi. Shuningdek, fuqarolar bilan ishlashda shaffoflik tamoyillariga amal qilish, murojaatlarni o‘z vaqtida va qonuniy hal etish, manfaatlar to‘qnashuviga yo‘l qo‘ymaslik bo‘yicha mas’ullarga tegishli topshiriqlar berildi. Yig‘ilish yakunida korrupsiyaning har qanday ko‘rinishiga nisbatan murosasiz munosabatni shakllantirish, davlat va jamiyat manfaatlarini himoya qilish hamda qonun ustuvorligini ta’minlash har bir rahbarning asosiy vazifasi ekani qayd etildi. Mirzaobod tumanida bu boradagi ishlar izchil davom ettirilmoqda.