Qashqadaryo viloyati Mirishkor tumani hokimligi

Mirishkor tumanida O‘zbekiston davlat muassasalari va jamoat xizmati xodimlari kasaba uyushmasi tuman tashkilotining VI hisobot-saylov konferensiyasi bo‘lib o‘tdi.

Tadbirda 2020–2025 yillar davomida amalga oshirilgan ishlar bo‘yicha hisobot tinglanib, konferensiya ishtirokchilari tomonidan atroflicha muhokama qilindi va tashkilot faoliyati qoniqarli deb topildi.

Hisobotda tashkilot tomonidan quyidagi yo‘nalishlarda olib borilgan ishlar yoritib o‘tildi:

 • Mehnatga haq to‘lash va bandlikni ta’minlash;

 • Mehnatni muhofaza qilish va ijtimoiy sherikchilikni rivojlantirish;

 • Xotin-qizlar, yoshlar va ijtimoiy himoyaga muhtoj xodimlar huquqlarini himoya qilish;

 • Sport, madaniy-ma’rifiy tadbirlar tashkil etish;

 • Xodimlar hamda ularning farzandlarini sog‘lomlashtirish;

 • Ommaviy axborot vositalari bilan hamkorlikni kuchaytirish.

Shuningdek, konferensiyada Mirishkor tuman kasaba uyushmasi Kengashining yangi tarkibi tasdiqlandi. Kengash a’zoligiga quyidagi nomzodlar saylandi:

 1. Ro‘ziqulov Muzaffar – Mirishkor tuman hokimiyati BҚU tashkiloti qo‘mitasi raisi

 2. Achilov Dilshod – Mirishkor tuman Kambag‘allikni qisqartirish va bandlikka ko‘maklash markazi BҚU tashkiloti qo‘mitasi raisi

 3. Bozorov Navro‘z – Mirishkor tuman Iqtisodiyot va moliya bo‘limi BҚU tashkiloti qo‘mitasi raisi

 4. Maxmanazarov Bahodir – O‘zbekiston mahallalari uyushmasi Mirishkor tuman bo‘limi BҚU tashkiloti qo‘mitasi raisi

 5. Qurbonova Muattar – Tuman hokimi maslahatchisi

Konferensiya yakunida O‘zbekiston davlat muassasalari va jamoat xizmati xodimlari kasaba uyushmasi Mirishkor tumani kengashi raisi lavozimiga Maxmanazarov Rustam Shaymurodovich bir ovozdan saylandi.

Mazkur konferensiya kasaba uyushmasining tuman miqyosidagi faoliyatini yangi bosqichga olib chiqish, xodimlar manfaatlarini himoya qilish hamda ijtimoiy barqarorlikni ta’minlash yo‘lida muhim qadam bo‘ldi.