Alisher Navoiy tavalludi munosabati bilan ma’naviy-ma’rifiy tadbir o‘tkazildi
2026-02-09 10:35:00 / Yangiliklar
Buyuk shoir va mutafakkir, davlat arbobi Alisher Navoiy tavalludining 585 yilligi munosabati bilan tuman markazida joylashgan 3-sonli musiqa maktabida ma’naviy-ma’rifiy tadbir bo‘lib o‘tdi. Tadbir Navoiy bobomizning bebaho adabiy merosi, milliy o‘zlikni anglash va yuksak insoniy fazilatlarni targ‘ib etish g‘oyalari asosida tashkil etildi.
Mazkur tadbirda tuman hokimligi vakillari, Ma’naviyat va ma’rifat tuman bo‘linmasi, Madaniyat bo‘limi, Nuroniylar bo‘limi, Maktabgacha va maktab ta’limi bo‘limi mas’ullari, xalq deputatlari hamda keng jamoatchilik vakillari ishtirok etdi. So‘zga chiqqanlar Alisher Navoiy ijodining bugungi yosh avlod tarbiyasidagi o‘rni, uning asarlarida aks etgan vatanparvarlik, adolat va insonparvarlik g‘oyalari haqida fikr-mulohazalar bildirdi.
Tadbir davomida musiqa maktabi va 1-sonli maktab o‘quvchilari tomonidan Navoiy g‘azallariga bastalangan kuy-qo‘shiqlar ijro etilib, adabiy-badiiy chiqishlar namoyish etildi. Ushbu tadbir ishtirokchilarda buyuk ajdodlarimiz merosiga bo‘lgan hurmat va e’tibor tuyg‘ularini yanada mustahkamladi.