Baliq ko‘lida sholi: Mingbuloqda yangi tajriba yo‘lga qo‘yildi
2026-07-07 10:55:00 / Yangiliklar
Namangan viloyati hokimi Shavkatjon Abdurazzoqov Mingbuloq tumanida amalga oshirilayotgan innovasion qishloq xo‘jaligi loyihalari bilan tanishdi.
Jumladan, "Bosaraliyev Muqimjon" fermer xo‘jaligiga qarashli jami 12 gektar baliq ko‘lida tajriba tariqasida 0,30 gektar maydonda Vyetnam usulida sholi yetishtirish yo‘lga qo‘yilgani ko‘zdan kechirildi.
Mazkur innovasion usul orqali qo‘shimcha 5 tonnaga yaqin sholi hosili olish, suv sarfini ikki barobarga qisqartirish hamda oziq-ovqat bozorini qo‘shimcha mahsulot bilan ta’minlashga erishish ko‘zda tutilgan.
O‘rganishlar davomida viloyat rahbari mazkur tajribaning samaradorligiga alohida e’tibor qaratib, uning natijadorligini tahlil qilish, ijobiy tajribani boshqa hududlarda ham ommalashtirish yuzasidan mutasaddilarga tegishli topshiriq va tavsiyalar berdi.
—
Балиқ кўлида шоли: Мингбулоқда янги тажриба йўлга қўйилди
Наманган вилояти ҳокими Шавкатжон Абдураззоқов Мингбулоқ туманида амалга оширилаётган инновасион қишлоқ хўжалиги лойиҳалари билан танишди.
Жумладан, "Босаралиев Муқимжон" фермер хўжалигига қарашли жами 12 гектар балиқ кўлида тажриба тариқасида 0,30 гектар майдонда Ветнам усулида шоли етиштириш йўлга қўйилгани кўздан кечирилди.
Мазкур инновасион усул орқали қўшимча 5 тоннага яқин шоли ҳосили олиш, сув сарфини икки баробарга қисқартириш ҳамда озиқ-овқат бозорини қўшимча маҳсулот билан таъминлашга эришиш кўзда тутилган.
Ўрганишлар давомида вилоят раҳбари мазкур тажрибанинг самарадорлигига алоҳида эътибор қаратиб, унинг натижадорлигини таҳлил қилиш, ижобий тажрибани бошқа ҳудудларда ҳам оммалаштириш юзасидан мутасаддиларга тегишли топшириқ ва тавсиялар берди.