O‘zbekiston eksportchilarini qo‘llab-quvvatlash: GSP+ imkoniyatlaridan foydalangan holda YI bozoriga chiqish bo‘yicha metodik qo‘llanmalar e’lon qilindi
2025-11-15 10:00:00 / Yangiliklar
O‘zbekiston Respublikasi Investitsiyalar, sanoat va savdo vazirligi Germaniya xalqaro hamkorlik jamiyati (GIZ) bilan hamkorlikda mahalliy ishlab chiqaruvchilarning eksport salohiyatini oshirish va Yevropa Ittifoqi bozoriga chiqishda GSP+ imtiyozlaridan samarali foydalanishni ta’minlashga qaratilgan ikki amaliy qo‘llanmani tayyorladi.
Hamkorlik doirasida quyidagi qo‘llanmalar ishlab chiqildi:
1️⃣ “GSP+ preferensiyalar tizimidan foydalangan holda YI bozoriga to‘qimachilik mahsulotlari eksporti”
2️⃣ “GSP+ preferensiyalar tizimidan foydalangan holda YI bozoriga meva-sabzavot mahsulotlari eksporti”
Har bir qo‘llanma rus va o‘zbek tillarida taqdim etilgan bo‘lib, Yevropa Ittifoqi talablari, kelib chiqish qoidalari, logistika, sertifikatlash jarayonlari, eksport tartiblari hamda YI bozorida ishlashning boshqa muhim jihatlari bo‘yicha bosqichma-bosqich tavsiyalarni o‘z ichiga oladi.
📢 Tadbirkorlar uchun
Qo‘llanmalarning elektron versiyalari eksportchilar, ishlab chiqaruvchilar va biznesning boshqa manfaatdor vakillari uchun keng foydalanish imkoniyatini yaratish maqsadida bizning kanalimizda e’lon qilinadi.
Mazkur materiallar Yevropa bozoridagi ishtirokini kengaytirishni rejalashtirayotgan kompaniyalar uchun amaliy qo‘llanma bo‘lib xizmat qiladi va GSP+ tizimi imkoniyatlaridan samarali foydalanishga ko‘maklashadi.