“Infratuzilma va ijtimoiy barqarorlik” jamg‘armasi mablag‘laridan foydalanishda loyihalarning amalga oshirilishi hamda ajratilgan mablag‘larning maqsadli va manzilli sarflanishi to‘g‘risida Marhamat tumanida aholining hayot kechirishiga salbiy ta’sir ko‘rsatayotgan ijtimoiy-iqtisodiy, tashkiliy-amaliy va infratuzilmaviy muammolarni bartaraf etish, aholiga qulay shart-sharoitlar yaratish, ijtimoiy himoyaga muhtoj aholi qatlamlarini qo‘llab-quvvatlash maqsadida “Infratuzilma va ijtimoiy barqarorlik” jamg‘armasi mablag‘laridan foydalanish holati to‘g‘risida Marhamat tumani hokimligi tomonidan taqdim etilgan hisobot xalq deputatlari Marhamat tumani Kengashining sessiyasida muhokama qilinib, “Infratuzilma va ijtimoiy barqarorlik” jamg‘armasi mablag‘laridan foydalanish bo‘yicha belgilangan tartiblarga muvofiq, mablag‘larning maqsadli va manzilli sarflanishini ta’minlash, ajratilgan mablag‘lar hisobidan amalga oshirilayotgan loyihalarning natijadorligi va ijrosi ustidan nazoratni kuchaytirish maqsadida “Mahalliy davlat hokimiyati to‘g‘risida”gi Qonunning 6-, 24-moddalariga xalq deputatlari tuman Kengashi QAROR QILADI: 1. Marhamat tumani hokimining birinchi o‘rinbosari Sh.Abdurazzaqovning 2025-yil davomida va 2026-yil 25-avgust holatiga “Infratuzilma va ijtimoiy barqarorlik” jamg‘armasi mablag‘laridan foydalanish yuzasidan hisoboti ma’lumot uchun qabul qilinsin hamda amalga oshirilgan ishlar qoniqarli deb baholansin. kengash.gov.uz VII-25-88-1-24-K/26 2. 2025-yil davomida “Infratuzilma va ijtimoiy barqarorlik” jamg‘armasi mablag‘laridan foydalanish yuzasidan xalq deputatlari Marhamat tumani Kengashining tegishli qarorlari asosida jami 2034,2 mln so‘m mablag‘ ajratilganligi va 2034,2 mln so‘m mablag‘ moliyalashtirilganligi ma’lumot uchun qabul qilinsin. 2025-yilda mablag‘lar quyidagi asosiy yo‘nalishlarga sarflanganligi qayd etilsin: – aholi yashash hududlariga ichimlik suvi tarmoqlarini tortish; – tibbiyot muassasalarini ta’mirlash; – nogironligi bo‘lgan fuqarolarga ijtimoiy ko‘mak ko‘rsatish; – mahallalarda ko‘cha yoritish tizimlarini yaxshilash; – ko‘p qavatli uylar hududida sanitariya va maishiy sharoitlarni yaxshilash; – tuman markazida obodonlashtirish va piyodalar infratuzilmasini rivojlantirish; – elektr tarmoqlarini yaxshilash va transformatorlar o‘rnatish; – kanalizatsiya va ko‘p qavatli uylarni ta’mirlash ishlari. 3. Marhamat tumani hokimligi tomonidan 2026-yil 25-avgust holatiga “Infratuzilma va ijtimoiy barqarorlik” jamg‘armasi mablag‘laridan jami 2 432,0 mln so‘m mablag‘ ajratilganligi va 2 432,0 mln so‘m mablag‘ moliyalashtirilganligi ma’lumot uchun qabul qilinsin. 2026 yilda mablag‘lar: – aholining ijtimoiy himoyaga muhtoj qatlamlarini qo‘llab-quvvatlash; – “Gepatit A” vaksinasi bilan ta’minlash; – piyodalar va nogironligi bo‘lgan shaxslar uchun qulay infratuzilma yaratish; – kanalizatsiya tarmoqlarini yangilash; – elektr transformatorlari o‘rnatish; – yo‘l harakati xavfsizligini ta’minlash; – ehtiyojmand oilalar xonadonlarini energiya tejamkor qilib ta’mirlash; – quyosh panellari va geliokollektorlar o‘rnatish; – ommaviy sport tadbirlarini qo‘llab-quvvatlash; – mahallalarda ichimlik suvi tarmoqlarini yaxshilash kabi yo‘nalishlarga yo‘naltirilganligi qayd etilsin. 4. Tuman hokimligi (Sh.Abdurazzaqov, X.To‘xtasinov), tuman iqtisodiyot va moliya bo‘limi (J.Boltayev)ga “Infratuzilma va ijtimoiy barqarorlik” jamg‘armasi mablag‘laridan foydalanishda: – mablag‘larni faqat Kengash qarorlarida belgilangan maqsad va yo‘nalishlar bo‘yicha sarflash; kengash.gov.uz VII-25-88-1-24-K/26 – ajratilgan mablag‘larning belgilangan manzil bo‘yicha ishlatilishini ta’minlash; – mablag‘lar hisobidan xarid qilinadigan tovar, ish va xizmatlarni amaldagi davlat xaridlari to‘g‘risidagi qonunchilik talablari asosida amalga oshirish; – bajarilgan qurilish-ta’mirlash ishlari bo‘yicha shartnoma, hisob-faktura, bajarilgan ishlar dalolatnomasi, to‘lov hujjatlari va boshqa birlamchi hujjatlarning to‘liq rasmiylashtirilishini ta’minlash; – har bir obyekt va tadbir bo‘yicha ajratilgan mablag‘, moliyalashtirilgan mablag‘ va amalda bajarilgan ishlar hajmini o‘zaro muvofiqlashtirish; – sotib olingan moddiy boyliklar, uskunalar va qurilish materiallarining kirim qilinishi, saqlanishi va belgilangan maqsadda foydalanilishini ta’minlash vazifalari yuklatilsin. Amalga oshirilgan loyihalarning aholi uchun yaratgan ijtimoiy-iqtisodiy samarasini baholash choralarini ko‘rsin. 5. Tuman hokimligi (Sh.Abdurazzaqov, D.Ismoilov, X.To‘xtasinov) va tuman iqtisodiyot va moliya bo‘limi (J.Boltayev)ga 2025-yilda hamda 2026-yil davomida “Infratuzilma va ijtimoiy barqarorlik” jamg‘armasi mablag‘lari hisobidan moliyalashtirilgan har bir tadbir bo‘yicha: – qaror rekvizitlari; – mablag‘ ajratish asoslari; – ajratilgan va moliyalashtirilgan mablag‘lar; – mablag‘larning aniq yo‘nalishi; – loyihaning joylashgan manzili; – bajarilgan ishlar hajmi; – foydalanishga topshirilgan ob’yektlar; – mavjud muammo va kamchiliklar; – loyihaning ijtimoiy samaradorligi to‘g‘risidagi ma’lumotlarni shakllantirib borish; – jamg‘arma mablag‘laridan foydalanishning qonuniyligi va maqsadliligini o‘rganish; – ajratilgan mablag‘larning haqiqatda bajarilgan ishlar va yetkazib berilgan tovarlarga muvofiqligini tahlil qilish; – qonunbuzilish yoki mablag‘larni maqsadsiz sarflash holatlari aniqlangan taqdirda, ularni bartaraf etish vazifalari yuklatilsin. kengash.gov.uz VII-25-88-1-24-K/26 6. Tuman hokimligi (Sh.Abdurazzaqov, J.Boltayev) tomonidan 2026 -yil yakuni bo‘yicha “Infratuzilma va ijtimoiy barqarorlik” jamg‘armasi mablag‘laridan foydalanish natijalari to‘g‘risida xalq deputatlari Marhamat tumani Kengashiga 2027-yil birinchi choragida batafsil hisobot kiritilishi belgilansin. Hisobotda har bir loyiha kesimida ajratilgan, moliyalashtirilgan va amalda sarflangan mablag‘lar, bajarilgan ishlar hamda erishilgan natijalar aks ettirilsin. “Infratuzilma va ijtimoiy barqarorlik” jamg‘armasi mablag‘laridan foydalanish jarayonida aniqlangan tejalgan mablag‘lar, foydalanilmay qolgan mablag‘lar yoki maqsadli yo‘naltirilmagan mablag‘lar bo‘yicha amaldagi qonunchilikda belgilangan tartibda choralar ko‘rilsin. 7. Mazkur qaror ijrosi tuman hokimining o‘rinbosarlari Sh.Abdurazzaqov, D.Ismoilovga, nazorat qilish xalq deputatlari Marhamat tumani Kengashining Mahalliy byudjet, iqtisodiy islohotlar, sanoat, turizm, investitsiyalar va tadbirkorlikni rivojlantirish masalalari bo‘yicha doimiy komissiyasi (B.Abdullajonov) zimmasiga yuklatilsin. 8. Mazkur qaror imzolangan kundan e’tiboran kuchga kiradi.

Kengash raisi MUSURMONKULOV ABDULPATTO XXX