Andijon viloyati Marhamat tumani hokimligi

2026-yilning 1-choragida qonunchilik hujjatlari, hududni
rivojlantirishga qaratilgan dasturlar va loyihalarning bajarilishida ijro
intizomiga rioya etilishi holati, tuman hokimligiga jismoniy va yuridik
shaxslardan kelib tushgan murojaatlar va ularning ijrosi to‘g‘risida
Qonunchilik hujjatlari, hududni rivojlantirishga qaratilgan dasturlar va
loyihalarning bajarilishida 2025-yil 3-chorak yakuni natijalari bo‘yicha tuman
hokimligi ijro intizomi nazorati bo‘yicha bosh mutaxassisining axborotiga ko‘ra,
Marhamat tumani hokimligida “edo.ijro.uz” tizimi O‘zbekiston Respublikasi
Prezidentining 2021 yil 10 fevraldagi “Qonunchilik hujjatlari ijrosini samarali
tashkil etishda davlat boshqaruvi organlari va mahalliy ijro etuvchi hokimiyat
organlari rahbarlarining shaxsiy javobgarligini kuchaytirishga doir qo‘shimcha
chora-tadbirlar to‘g‘risida”gi PF-6166 sonligi Farmoni, “«Ijro.gov.uz»
Ijro intizomi idoralararo yagona elektron tizimi samarali faoliyat ko‘rsatishini
ta’minlashga qaratilgan qo‘shimcha chora-tadbirlar to‘g‘risidagi 2021-yil
31-maydagi PQ-5132 sonli Qarori hamda O‘zbekiston Respublikasi
Prezidentining 2025 yil 25 iyuldagi “Davlat organlari va tashkilotlarda ijro
intizomini yanada mustahkamlashning qo‘shimcha chora-tadbirlari to‘g‘risida”gi
PF-117-son Farmonlari asosida tizimli ishlar tashkil qilinib kelinmoqda.
Ijro intizomini tashkil etishda yangi qabul qilingan O‘zbekiston
Respublikasi Prezidentining 2025 yil 25 iyuldagi PF-117-son Farmoni ijrosini
tashkil etish yuzasidan birinchi darajadagi barcha rahbarlarga ijro intizomini
mustahkamlashda shaxsan javobgar ekanligi, qonunchilik hujjatlarini
bajarilishida “kunbay” tanqidiy tahlil qilib, yo‘l qo‘yilayotgan kamchiliklar,
ularning sabablarini aniqlab, bartaraf etish choralarini ko‘rish ishlari amalga
oshiriladi.
Jumladan, “Ijro.gov.uz” ijro intizomi idoralararo yagona elektron tizimi
orqali bugungi kunga qadar tuman hokimligiga jami bo‘lib 768 ta hujjatlar kelib
tushgan bo‘lib, barchasi hujjatlar ijroga qaratilgan. Shundan, 224 tasi bajarilgan
va 524 tasi bajarilish jarayonida
Mazkur topshiriqlar “kunbay” grafik asosida nazoratga olinib, topshiriqlar
oyma-oy belgilangan muddatlarda bajarilishi ta’minlangan.