Andijon viloyati Marhamat tumani hokimligi

Marhamat tumani hokimi Ilyosbek Umrzaqov tomonidan navbatdagi fuqarolar qabuli oʻtkazildi.

Mazkur qabul davomida tumanning turli hududlaridan tashrif buyurgan fuqarolar oʻzlarini qiynayotgan dolzarb masalalar, muammolar va takliflar bilan murojaat qildilar. Xususan, bandlikni ta’minlash, uy-joy, kommunal xizmatlar, ichimlik suvi, yoʻl infratuzilmasi, ijtimoiy yordam hamda tadbirkorlik faoliyatini rivojlantirishga oid masalalar koʻtarildi.

Har bir murojaat tuman hokimi tomonidan alohida e’tibor bilan tinglanib, ularni hal etish yuzasidan tegishli mutasaddi tashkilot va idora rahbarlariga aniq topshiriqlar berildi. Ayrim masalalar joyida hal etilgan boʻlsa, qoʻshimcha oʻrganish talab etiladigan murojaatlar nazoratga olinib, ularning ijrosini ta’minlash boʻyicha mas’ullar belgilandi.
Qabul jarayonida fuqarolar bilan ochiq muloqot olib borilib, ularning muammolariga yechim topish, aholining turmush sharoitini yaxshilash va hududni yanada rivojlantirish masalalariga alohida e’tibor qaratildi.