“Yoshlar kuni” doirasida Marhamat tumanida navbatdagi uchrashuv tuman hokimligida tashkil etildi.
2026-03-26 14:55:00 / Yangiliklar
“Yoshlar kuni” doirasida Marhamat tumanida navbatdagi uchrashuv tuman hokimligida tashkil etildi. Ushbu uchrashuv yoshlarning innovatsion g‘oyalari va startap tashabbuslarini qo‘llab-quvvatlash, ularning salohiyatini ro‘yobga chiqarishga ko‘maklashish maqsadida o‘tkazilmoqda.
Tadbirda Marhamat tuman hokimining maslahatchisi M.Qurbonov tumandagi startap loyihalar ustida ishlayotgan faol va tashabbuskor yoshlar bilan samimiy muloqot qildilar. Uchrashuv davomida yoshlar tomonidan ijtimoiy ahamiyatga ega, innovatsion g‘oyalar asosida ishlab chiqilgan startap loyihalar taqdimoti o‘tkazilmoqda.
Taqdimotlar jarayonida yoshlar o‘z loyihalarining maqsadi, amaliy ahamiyati, jamiyat rivojiga qo‘shadigan hissasi hamda kelgusidagi rejalar haqida batafsil ma’lumot berdilar.
Mas’ullar yoshlarning taklif va g‘oyalarini diqqat bilan tinglab, ularni qo‘llab-quvvatlash, loyihalarni yanada rivojlantirish va amaliyotga joriy etish borasida zarur tavsiya va ko‘rsatmalar berdilar. Shuningdek, iqtidorli yoshlarni rag‘batlantirish, ularning tashabbuslarini keng qo‘llab-quvvatlash orqali kelajakda yurtimiz taraqqiyotiga munosib hissa qo‘shadigan yetuk mutaxassislar bo‘lib yetishishlari muhimligi ta’kidlandi.