Farg'ona viloyati Marg'ilon shahar hokimligi

Marg‘ilon shahrida xotin-qizlarning ijtimoiy faolligini oshirish, ularning jamiyatdagi o‘rni va nufuzini yanada mustahkamlash maqsadida muhim tadbirlar amalga oshirilmoqda. Ana shunday ezgu maqsadlarga yo‘naltirilgan tadbirlardan biri shahardagi Madaniyat markazida bo‘lib o‘tdi.

Shahar Oila va xotin-qizlar bo‘limi tashabbusi bilan tashkil etilgan ushbu tanlovda mahalla fuqarolar yig‘inlarida faoliyat ko‘rsatib kelayotgan xotin-qizlar faollari "Eng na’munali xotin-qizlar faoli" nominatsiyasi bo‘yicha bellashdilar. 

Tanlovda har bir faol o‘z mahallasining ijtimoiy hayotida tutgan o‘rni, ayollarning huquq va manfaatlarini himoya qilish, yosh avlod tarbiyasi, tadbirkorlikni rivojlantirish hamda oilaviy mustahkamlikka qo‘shgan hissasi haqida to‘xtalib o‘tdi. 

Tanlov jarayonida qatnashchilarning ish tajribalari, tashabbuskorligi va na’munaviy faoliyati hakamlar hay’ati tomonidan xolisona baholandi. Gʻolib deb topilgan faollarga esdalik sovg‘alari va diplomlar topshirildi.

Mazkur tanlov nafaqat faol ayollarni rag‘batlantirish, balki ularning yutuqlari orqali boshqalarga o‘rnak bo‘lish, yangi tashabbuslarga yo‘l ochish maqsadini ham ko‘zda tutgani bilan ahamiyatlidir.