Ayolga e'tibor - jamiyatga barqarorligiga e'tibor
2026-01-16 17:05:00 / Yangiliklar
Marg‘ilon shahar Oila va xotin-qizlar bo'limi tomonidan shahar hokimligida erta nikoh va erta tug‘ruqning oldini olish, jinoyatchilik va zo‘ravonlikni bartaraf etish, aholi, ayniqsa xotin-qizlar va yoshlar o‘rtasida reproduktiv salomatlikni mustahkamlash hamda oilaviy ajrimlarni kamaytirish masalalariga bag‘ishlangan yil yakuni bo‘yicha yig‘ilish o'tkazildi.
Yig‘ilishni shahar Oila va xotin-qizlar bo'limi boshlig'i Gulnoraxon Jo'raboyeva kirish so'zi bilan ochib, mazkur masalalar jamiyat barqarorligi va sog‘lom oilani shakllantirishda muhim ahamiyat kasb etishini ta’kidladi hamda kelgusida hamkorlikni yanada kuchaytirish zarurligini qayd etdi.
Yig‘ilish davomida 2025-yilda ushbu yo‘nalishlarda amalga oshirilgan ishlar natijalari tahlil qilinib, mavjud muammolar va ularni bartaraf etish bo‘yicha aniq takliflar muhokama etildi.
Yig`ilishda tegishli tashkilotlar vakillari hamda mahalla fuqarolar yig‘inlarii faollari ishtirok etib, joylarda olib borilayotgan profilaktik ishlar, tushuntirish va targ‘ibot tadbirlarining samaradorligi yuzasidan fikr-mulohazalarini bildirildilar.
Yig'ilish yakunida erta nikoh va erta tug‘ruqning oldini olish, jinoyatchilik va zo‘ravonlikni bartaraf etish, aholi, ayniqsa xotin-qizlar va yoshlar o‘rtasida reproduktiv salomatlikni mustahkamlash hamda oilaviy ajrimlarni kamaytirish masalalarida yaqindan ko'mak ko'rsatib kelayotgan hamkor tashkilotlar vakillari tashakkurnoma bilan taqdirlandi.