Marg‘ilonda "Quvonchli uy" ochildi
2026-01-05 12:35:00 / Yangiliklar
O‘zbekiston Respublikasi Vazirlar Mahkamasining “Nogironligi bo‘lgan bolalar uchun kunduzgi parvarish xizmatini tashkil etish chora-tadbirlar to‘g‘risida”gi 126-sonli Qaroriga asosan Marg‘ilon shahar “Inson” ijtimoiy xizmatlari markazi bilan hamkorlikda tadbirkor Munisaxon Bobobekova tashabbusi bilan «Pichoqchi» MFY hududida “Quvonchli uy” nomli nogironligi bo‘lgan bolalar uchun kunduzgi parvarish xizmati tashkil etildi.
Shu munosabat bilan tashkil etilgan ochilish marosimida so‘z olganlar ushbu maskan nogironligi bo‘lgan bolalarning ijtimoiy himoyasi va rivojlanishi uchun muhim qadam ekanligini ta’kidladilar.
Defektolog, terapevt hamda psixolog muolajasi yo‘lga qo‘yilgan ushbu maskan 36 o‘ringa mo‘ljallagan bo‘lib, bu yerda 3 yoshdan 18 yoshgacha nogironligi bor bo‘lgan bemor bolalar parvarishlanadi. Maskanning ishga tushirilishi natijasida 16 ta ishchi o‘rni yaratildi.