Farg'ona viloyati Marg'ilon shahar hokimligi

Xalq deputatlari Marg‘ilon shahar Kengashining navbatdagi 17-sessiyasi bo‘lib o‘tdi.

Sessiyada shahar Kengashi deputatlari, shahar hokimi o‘rinbosarlari, kun tartibiga kiritilgan masalalarga aloqador davlat va jamoat tashkilotlari rahbarlari hamda ommaviy axborot vositalari vakillari ishtirok etishdi. 

Sessiya ishiga shahar hokimi, Xalq deputatlari shahar Kengashi raisi Shukurulloxon Nisbatxonov raislik qildi va olib bordi. 

Sessiyada kun tartibida quyidagi masalalar ko‘rib chiqildi:

1.  O‘zbekiston Respublikasi Prezidentining “Farg‘ona viloyatini ijtimoiy-iqtisodiy rivojlantirish hamda investisiya va tadbirkorlik muhitini yanada yahshilash chora-tadbirlari to‘g‘risida”gi PQ-440-sonli qarori ijrosi bo‘yicha shaharda amalga oshirilayotgan ishlar haqida.

2.  Marg‘ilon shahrining 2026-yilgi mahalliy byudjetini tasdiqlash to‘g‘risida.

3.   2026-yilda Marg‘ilon shahrini kompleks ijtimoiy-iqtisodiy rivojlantirish dasturi to‘g‘risida.

4.   Marg‘ilon shahrida 2026-yilda «drayver» loyihalarni amalga oshirish bo‘yicha dastlabki manzilli ro‘yxatni tasdiqlash bo‘yicha takliflarini ko‘rib chiqish to‘g‘risida.

5.   2026-yilda Marg‘ilon shahrida ijtimoiy va ishlab chiqarish infratuzilmasini rivojlantirish dasturlariga kiritish uchun taklif etilayotgan loyihalarni tasdiqlash to‘g‘risida.

6.    Marg‘ilon shahrida “Ayollar daftari”ning 6-bosqichida olib borilgan ishlar to‘g‘risida.

7.  Xalq deputatlari Marg‘ilon shahar Kengashi raisini saylash to‘g‘risida.

Sesiya davomida kun tartibidagi masalalar yuzasidan mutasaddi rahbarlarning hisobotlari tinglandi.

Sessiya ishida soha mas’ullari tomonidan shakllantirilgan Marg‘ilon shahrining 2026-yilgi mahalliy byudjeti loyihasi ko‘rib chiqilib, muhokama qilindi va tasdiqlab olindi. 

Sessiya doirasida muhim tashkiliy masala ham ko‘rib chiqildi.

Ma’lumki, yangi tahrirdagi O‘zbekiston Respublikasi Konstitutsiyasi talablaridan kelib chiqib, “Mahalliy davlat hokimiyati to‘g‘risida”gi Qonun va boshqa qonun hujjatlariga bir qator qo‘shimcha va o‘zgartirishlar kiritildi.

Jumladan, 2026-yilning 1-yanvaridan barcha tuman (shahar) Kengashlariga deputatlar orasidan saylanadigan rais boshchilik qilishi belgilandi.

Xususan, qonunchilikda belgilangan talablar asosida xalq deputatlari Marg‘ilon shahar Kengashi raisi lavozimiga nomzodlar siyosiy partiyalar guruhi a’zolari ishtirokida ko‘rib chiqilib, yakuniy qarorga ko‘ra Xalq deputatlari Marg‘ilon shahar Kengashi raisi lavozimiga bir ovozdan Axmatshayev Osimxon Muxamataminovich saylandi.   

Sessiya davomida muzokara uchun so‘z olganlar kun tartibidagi masalalar yuzasidan o‘z fikr va mulohazalarini bildirib o‘tishdi hamda yakunda tegishli qarorlar qabul qilindi.