Korrupsiyaga qarshi kurashish agentligining Respublika ishchi guruhi vakillari Koson tumanida
2026-08-07 14:00:00 / Yangiliklar
Korrupsiyaga qarshi kurashish agentligining Respublika ishchi guruhi vakillari Koson tumanida bo‘lib, hududni korrupsiyadan holi hududga aylantirish borasida amalga oshirilayotgan ishlarni o‘rganmoqda.
O‘rganishlar davomida ishchi guruh vakillari "Lolazor" mahallasiga tashrif buyurib, mahalla yettiligi bilan suhbatlashdi. Mahallada aholiga davlat va ijtimoiy xizmatlarni ko‘rsatishda shaffoflikni ta’minlash, korrupsiyaviy holatlarning oldini olish hamda mavjud muammolarni aniqlash va bartaraf etish borasidagi ishlar muhokama qilindi.
Shuningdek, ishchi guruh vakillari 15-maktabda bo‘lib, ta’lim muassasasining yangi o‘quv mavsumiga tayyorgarlik holatini o‘rgandi. Maktabda korrupsiyaga qarshi targ‘ibot materiallari, maxsus burchaklar tashkil etilgani hamda o‘quvchi-yoshlar o‘rtasida korrupsiyaning oldini olishga qaratilgan targ‘ibot ishlari bilan tanishildi.
O‘rganishlar davomida aniqlangan masalalar yuzasidan mas’ullarga tegishli tavsiya va ko‘rsatmalar berildi.