Koson tumanida korrupsiyadan holi hududga aylantirish loyihasi yuzasidan amalga oshirilayotgan ishlar holati muhokama etildi
2026-04-10 14:50:00 / Yangiliklar
Ko‘pchilikka ma‘lum, Qashqadaryo viloyatida Koson tumani namuna sifatida korrupsiyadan holi hududga aylantirilmoqda. Bu borada chora-tadbirlar rejasi ishlab chiqilgan hamda tizimli ishlar bajarilyapti.
Amalga oshirilayotgan ishlar holatini o‘rganish uchun bugun Korrupsiyaga qarshi kurashish agentligi direktori o‘rinbosari Umida Tuxtasheva Koson tumaniga tashrif buyurdi.Tuman hokimligi majlislar zalida o‘tkazilgan kengaytirilgan yig‘ilishda barcha tashkilot rahbarlari, tuman hokimi o‘rinbosarlari, tuman prokuraturasi, tuman IIB mas‘ullari ishtirok etdi.
Topshiriqlar ijrosi doirasida Xalq deputatlari tuman Kengashi tomonidan amalga oshirilgan ishlar, tibbiyot birlashmalarida mazkur yo‘nalishda bajarilgan chora-tadbirlar, maktabgacha va maktab ta‘limi tizimida GRACE dasturi ijrosi holati, shuningdek mahalliy davlat hokimiyati organlari tomonidan belgilangan vazifalar muhokama etildi.