Aziz yoshlar, hurmatli tumandoshlar!
Bugun dunyo tez o‘zgarayotgan bir paytda bizning eng katta vazifamiz — halollik va adolat asosida kelajak qurishdir. Korrupsiya esa bu yo‘lda eng katta to‘siqdir. U imkoniyatlarni tortib oladi, yoshlarning ishonchini sindiradi, jamiyat taraqqiyotiga zarar yetkazadi.
O‘zbekiston Yoshlar ishlari agentligining Konimex tuman bo‘limi sifatida bizning burchimiz — yoshlarda halollik madaniyatini shakllantirish, korrupsiyaga murosasiz munosabatni tarbiyalash va ularni faollikka chorlashdir.
Shu maqsadda biz:
yoshlarga doir dastur va loyihalarni faqat ochiq va shaffof asosda amalga oshiramiz,
korrupsiyaga qarshi g‘oyalarni ta’lim va tarbiya jarayonlariga singdiramiz,
har bir yoshning o‘z salohiyatini erkin, halol yo‘l bilan ro‘yobga chiqarishi uchun imkoniyat yaratamiz.
Hurmatli yoshlar!
Kelajak sizniki! Agar siz halollikni tanlasangiz, jamiyatda adolatni qo‘llasangiz, Konimex tumani nafaqat korrupsiyadan xoli hududga, balki butun mamlakat uchun ibrat bo‘ladigan maskanga aylanadi.
Keling, halollikni qadrlaylik, korrupsiyaga qarshi birgalikda kurashaylik va farzandlarimiz uchun yorqin kelajak qura oladigan Konimexni barpo etaylik!