Call-markaz faoliyati: 2026-yilning I yarim yilligida 984 ta murojaat qabul qilindi
2026-08-03 14:50:00 / Hisobotlar
Tog‘-kon sanoati va geologiya sohasini nazorat qilish inspeksiyasida 2026-yilning I yarim yilligi davomida fuqarolar hamda tadbirkorlik subyektlaridan kelib tushgan murojaatlarni tezkor ko‘rib chiqish bo‘yicha Ishonch telefoni va Call-markaz faoliyati sarhisob qilindi.
Olti oy davomida aloqa markazi orqali jami 984 ta qo‘ng‘iroq qabul qilingan bo‘lib, kunlik o‘rtacha ko‘rsatkich 9 ta murojaatni tashkil etdi. Murojaat qiluvchilarning kutish vaqtini qisqartirish va tezkor aloqani ta’minlash natijasida operator bilan bog‘lanishning o‘rtacha vaqti 45 sekundni tashkil etdi.
Tizimli tashkil etilgan ish jarayoni sababli o‘tkazib yuborilgan qo‘ng‘iroqlar soni 0 tani tashkil etdi, shuningdek, aloqa liniyalarida hech qanday texnik uzilishlar kuzatilmadi. Barcha murojaatlar operatorlar tomonidan to‘liq qamrab olindi va belgilangan tartibda ko‘rib chiqildi.
Ushbu ko‘rsatkichlar nazorat organining jamoatchilik va tadbirkorlar uchun ochiqligi hamda tezkor qayta aloqa tizimi samarali ishlayotganini ko‘rsatadi. Fuqarolar murojaatlarini o‘z vaqtida va sifatli qabul qilish sohada huquqbuzarliklarning oldini olishga hamda qonuniylikni ta’minlashga xizmat qiladi.
Aloqa va bog‘lanish ma’lumotlari
-
Ishonch telefoni va kontaktlar: +99871 203-17-77
-
Rasmiy veb-sayt: https://gov.uz/kongeotexnazorat
-
Elektron pochta: info@kongeotexnazorat.uz
-
Manzil: 100164, Toshkent sh., Mirzo Ulug‘bek tumani, Olimlar ko‘chasi, 49a-uy
-
Jamoat transporti: Olimlar bekati (Avtobuslar: 14, 17, 63, 83, 96, 110, 129)
-
Ish tartibi: Dushanba – Juma: 09:00 – 18:00 (Tushlik: 13:00 – 14:00). Dam olish kunlari: Shanba, Yakshanba va bayram kunlari.
-
Ijtimoiy tarmoqlar va rasmiy kanallar: Veb-sayt | Telegram | Facebook | Instagram