“Xavfsiz va sog‘lom yurt” profilaktik tadbirlari doirasida targ‘ibot ishlari olib borilmoqda
2026-11-05 18:50:00 / Yangiliklar

Tadbirlar davomida nizoli oilalar, spirtli ichimliklarga ruju qo‘ygan, muqaddam sudlangan hamda ijtimoiy jihatdan og‘ir toifadagi yoshlar yashash xonadonlariga tashrif buyurilib, mahalla yettiligi bilan hamkorlikda fuqarolarning murojaatlari va mavjud muammolari atroflicha o‘rganilmoqda.
Shuningdek, fuqarolar bilan yakka tartibda suhbatlar o‘tkazilib, oilaviy nizolarning oldini olish, sog‘lom turmush tarziga rioya etish, yoshlar o‘rtasida huquqbuzarlik va jinoyatchilikka yo‘l qo‘ymaslik, shuningdek, qonunchilik talablariga qat’iy amal qilish yuzasidan zarur tushuntirish va tavsiyalar berilmoqda.
Mazkur profilaktik tadbirlarning asosiy maqsadi mahallalarda tinchlik va osoyishtalikni ta’minlash, ijtimoiy muammolarni o‘z vaqtida aniqlash hamda jinoyat va huquqbuzarliklarning barvaqt oldini olishdan iborat.


