Kogon tumanida tadbirkorlar murojaat va takliflari tinglanib, ularga joyida yechim topildi
2026-09-09 18:45:00 / Yangiliklar
Ochiq muloqot ruhida tashkil etilgan uchrashuvda Markaziy bankning viloyat bosh boshqarmasi shuningdek viloyatdagi oʻndan ortiq tijorat banki masʼul mutasaddilari hamkorligida yuridik va jismoniy shaxslardan tushgan murojaatlarga yechim izlandi.
Jumladan kichik va oʻrta biznes subyektlari hamda eksportyor korxonalar vakillari bilan muloqotda respublika Markaziy banki raisi hamda bank-moliya muassasalari rahbarlariga ishbilarmonlar tomonidan subsidiya, bank-kredit siyosati, kadastr, yer soligʻi, qurilishdagi muammolar, eksport va import amaliyotlari, shunga oʻxshash banklar bilan bogʻliq masalalarda murojaat va takliflar kelib tushdi.
Uchrashuv davomida biznes vakillari asosan tadbirkorlik faoliyatini rivojlantirish va kengaytirishda tijorat banklari tomonidan ularga imtiyozli tartibda kredit mablagʻi ajratilishida, shuningdek, chet elga mahsulot eksport qilish uchun ruxsatnoma olish, ishlab chiqarilayotgan mahsulot realizatsiyasini yanada oshirish maqsadida xaridor topishga doir murojaatlar bilan yuzlandilar. Ularning aksariyati ijobiy hal etildi, vaqt va oʻrganish talab etiladigan masalalarga qatʼiy ijrochilar tayinlandi.
Shuningdek mas'ul rahbarlarga tadbirkorlikka keng yoʻl ochish, ishsizlikni, kambagʻallikni qisqartirish, aholi bandligini taʼminlash orqali odamlar moddiy manfaatdorligini oshirish yuzasidan zarur koʻrsatma va topshiriqlar berildi.