"Bahouddin Naqshband" mahallasida muhandislik-kommunikatsiya infratuzilmasini yaxshilash ishlari izchil davom etmoqda
2026-09-08 10:05:00 / Yangiliklar
Mazkur ishlarni “Gazli yo‘l qurish-ta’mirlash” MChJ mutaxassislari tomonidan zamonaviy yo‘l-qurilish texnikalari va maxsus mexanizmlar jalb etilgan holda amalga oshirilmoqda.
Ta’mirlash jarayonida yo‘lning mavjud holati atroflicha o‘rganilib, asos qismi qayta tekislanmoqda va belgilangan texnik talablar asosida mustahkam poydevor qatlami shakllantirilib, aslfalt qoplamasi yotqizilmoqda.
Bundan tashqari, Chorchinor, Po'lotchi hamda Rabotipoyon qishloqlarida aholi xavfsizligini ta'minlash, tungi vaqtlarda piyodalar va transport vositalari harakati uchun qulay sharoit yaratish maqsadida muqobil energiya manbalari asosida ishlovchi zamonaviy LED yoritish moslamalari o‘rnatildi. Ushbu energiya tejamkor yoritgichlar nafaqat elektr energiyasidan samarali foydalanish imkonini beradi, balki ekologik jihatdan ham foydali hisoblanadi.
Hududlarda amalga oshirilayotgan bunday bunyodkorlik ishlari aholi turmush sifatini yaxshilash, qishloqlarning zamonaviy qiyofasini shakllantirish hamda ijtimoiy-iqtisodiy rivojlanish ko‘rsatkichlarini oshirishga xizmat qilmoqda. Eng muhimi, mazkur loyihalar natijasida fuqarolar uchun qulay va xavfsiz yashash muhiti yaratilib, ularning ertangi kunga bo‘lgan ishonchi yanada mustahkamlanmoqda.