Temir yo'l kesishmalarida harakat xavfsizligi ta'minlash maqsadida yer osti o'tish yo'lagi bunyod etilmoqda
2026-09-03 10:25:00 / Yangiliklar
Ushbu loyiha piyodalar uchun qulay va xavfsiz harakatlanish sharoitlarini yaratish, shuningdek, temir yo‘l kesishmalarining taqiqlangan hududlaridan fuqarolarning noqonuniy hamda xavfli o‘tish hollarining oldini olish maqsadida amalga oshirildi.
Ushbu bunyod etilgan yer osti tunelining balandligi 2 metr hamda umumiy uzunligi 25 metrni tashkil etadi.
Inshoat to‘liq temir-beton qoplamalar bilan barpo etilgan bo‘lib, yuqori xavfsizlik standartlariga javob beradi.
Shuningdek tungi vaqtda xavfsiz harakatlanishni ta’minlash maqsadida tunel zamonaviy, quyosh energiyasidan quvvat oluvchi LED yoritish tizimi bilan ham jihozlangan.
Ushbu infratuzilma obyekti hudud aholisining kunlik qatnovini yengillashtirish bilan birga, temir yo‘l hududidagi harakat xavfsizligini kompleks ta’minlashga xizmat qiladi.