17-umumta'lim maktabi filliali binosi yangidan qurib, foydalanishga topshirildi!
2026-09-02 17:20:00 / Yangiliklar
Ushbu mahallada 1970-yillarda qurilgan, ma'nan eskirgan maktab binosi o‘rnida yangi zamonaviy ta'lim maskani barpo etildi. Mazkur zamonaviy bilim maskani 2 qavatdan iborat va 120 o‘rinli bo'lib, bugungi kun talablariga to‘liq javob beradigan tarzda loyihalashtirilgan. Qurilish ishlarini "Ziyo Shaxriyor qurilish" MChJning tajribali quruvchi-muhandislari amalga oshirdi. Loyiha qiymati qariyb 1 mlrd 600 million so‘mni tashkil etadi.
Bugun, 2-sentabr kuni zamonaviy o‘quv binosining foydalanishga topshirilishi munosabati bilan tantanali tadbir bo‘lib o‘tdi. Unda tuman hokimining tegishli o‘rinbosarlari, hudud nuroniylari, maktab jamoasi, faxriy o‘qituvchilar hamda o‘quvchilarning ota-onalari ishtirok etishdi.
Tadbirda so‘z olganlar ustozlar va o‘quvchi yoshlarni zamonaviy maktab binosi qolaversa, yangi o‘quv yili boshlanishi bilan samimiy muborakbod etdilar. So‘ngra tantanali marosimda o‘quv binosi qurilishida jonbozlik ko‘rsatgan quruvchi-muhandislarga ehtirom ko‘rsatildi.
Shundan so‘ng mehmonlar an'anaga ko'ra alvon lentalarni qirqib, yangi qurib bitkazilgan o‘quv binolarida, sinf xonalarida o‘quvchilarga yaratilgan shart-sharoitlar bilan yaqindan tanishdilar. Jarayonlar davomida joriy 2026–2027 o‘quv yilida birinchi sinfga qadam qo'ygan jajji bolajonlarga Prezidentimiz tomonidan ajratilgan “Prezident sovg‘alari” bayramona ruhda tantanali topshirildi.