Buxoro viloyati Kogon tumani hokimligi

Jumladan, tumanda joriy yil “Tashabbusli budjet” dasturi dastlabki mavsumi doirasida  “Nurafshon” mahalla fuqarolar yig‘inida ko‘p yildirki, aholini qiynab kelgan yo‘l ta’miri muammosi kun tartibiga chiqdi. Chuqurko‘l qishlog‘i aholisining yakdil ovozi o‘laroq, ichki yo‘lining 2,9 ming metr qismini asfaltlashtirish ishlariga kirishiladigan bo‘ldi.  

Mazkur yo‘l inshooti bo‘yicha pudrat tashkilotini aniqlash maqsadida “Shaffof qurilish” milliy axborot platformasi orqali o‘tkazilgan tender savdolari natijasiga ko‘ra, “SANOAT QURILISH EFFEKT” MChJ g‘olib deb topilib, joriy yil iyun oyi boshida qiymati 1 milliard 339 million so‘mlik pudrat shartnomasi imzolangan. 

Shartnoma shartlariga muvofiq, qurilish ishlarini shu yil avgustga qadar yakunlab, yo‘lni foydalanishga topshirish belgilangan. E’tiborlisi, mexanizatsiyalashgan yo‘lsozlar jamoasi sa’y-harakati bilan bu yo‘l asosini tayyorlash va asfaltlashtirish ishlari qisqa muddatda bajarildi. Muhimi, chuqurko‘lliklar yaqingacha o‘nqir-cho‘nqir ko‘rinishdagi yo‘l ravon ko‘rinishga kelgani, endilikda bu yo‘lda harakatlanish xavfsizligini ta’minlash choralari ko‘rilayotganidan minnatdor.