Kogon tumanida "Xavfsiz va sog'lom yurt" profilaktik tadbiri yuzasidan yo'riqnoma yig'ilishi o'tkazildi
2026-07-01 18:30:00 / Yangiliklar
Yig'ilishda mazkur profilaktik tadbir 1-iyuldan 31-iyulga qadar davom etishi, uning asosiy maqsadi hududda tinchlik va osoyishtalikni mustahkamlash, fuqarolar xavfsizligini ta'minlash hamda huquqbuzarlik va jinoyatchilikning oldini olishdan iborat ekani ta'kidlandi.
Tadbirda tuman hokimi Otabek Qazoqov, tuman Ichki ishlar bo'limi boshlig'i va boshqa mutasaddilar so'zga chiqib, oylik davomida amalga oshiriladigan ustuvor vazifalar yuzasidan mas'ullarga aniq ko'rsatmalar berdi. Jumladan, qonunbuzarliklarning barvaqt oldini olish, jamoat tartibini ishonchli saqlash, har qanday huquqbuzarlikka nisbatan murosasiz munosabatda bo'lish hamda davlat va jamoat tashkilotlari o'rtasidagi hamkorlikni yanada kuchaytirish zarurligi qayd etildi.
Yakunda barcha mas'ullarga profilaktik tadbirni yuqori saviyada tashkil etish va belgilangan vazifalarni sifatli amalga oshirish yuzasidan tegishli topshiriqlar berildi.