O‘zbekiston Respublikasining “Korrupsiyaga qarshi kurashish to‘g‘risida”gi O‘RQ-419-sonli Qonuni mazmun mohiyati hamda “Korrupsiyaga qarshi kurashish”
2026-06-25 14:30:00 / Yangiliklar
Shuningdek, qonunda korrupsiya, korrupsiyaga oid huquqbuzarlik va manfaatlar to‘qnashuvi tushunchalarining mazmuni, davlat organlari hamda mansabdor shaxslarning korrupsiyaning oldini olish borasidagi majburiyatlari, fuqarolar va tashkilotlarning huquq hamda majburiyatlari yuzasidan batafsil tushuntirishlar berildi.
Tadbirda xodimlarga xizmat vazifalarini bajarishda qonuniylik, xolislik, ochiqlik va shaffoflik tamoyillariga qat'iy amal qilish, har qanday korrupsiyaviy holatlarga murosasiz munosabatda bo‘lish, manfaatlar to‘qnashuviga yo‘l qo‘ymaslik hamda xizmat odobi qoidalariga rioya etish zarurligi yuzasidan tavsiyalar berildi.
Yig‘ilish ishtirokchilariga korrupsiyaning jamiyat taraqqiyoti, iqtisodiy rivojlanish va davlat boshqaruvi samaradorligiga salbiy ta'siri, budjet mablag‘laridan maqsadli va samarali foydalanish, davlat mulkini asrash hamda xizmat vakolatlaridan shaxsiy manfaat yo‘lida foydalanishga mutlaqo yo‘l qo‘yilmasligi alohida uqtirildi.
Shuningdek, davlat organlari faoliyatida ochiqlik va shaffoflikni ta'minlash, fuqarolar murojaatlarini qonuniy va o‘z vaqtida ko‘rib chiqish, jamoatchilik nazoratini kuchaytirish korrupsiyaning oldini olishning muhim omillaridan biri ekani qayd etildi.
Yig‘ilish yakunida barcha xodimlar korrupsiyaga qarshi kurashish bo‘yicha amaldagi qonunchilik talablariga qat'iy rioya etish, o‘z xizmat vazifalarini vijdonan bajarish, halollik va mas'uliyat tamoyillariga sodiq qolish hamda korrupsiyaning har qanday ko‘rinishiga nisbatan murosasiz munosabatda bo‘lishga chaqirildi.