Buxoro viloyati Kogon tumani hokimligi

Sessiya ishida tuman hokimi o'rinbosarlari, tegishli tashkilot va muassasalar rahbarlari, siyosiy partiyalar, xalq deputatlari tuman Kengashi deputatlari, jamoat tashkilotlari, hamda ommaviy axborot vositalari vakillari ishtirok etdi.

Seesiya kun tartibidagi masalalar yuzasidan mas'ullar hisoboti tinglandi.

Jumladan:

1. O‘zbekiston Respublikasi Prezidentining 2026-yil 16-fevraldagi PF-22-sonli “Mahallani rivojlantirish va jamiyatni yuksaltirish” yilida ustuvor yo‘nalishlar bo‘yicha islohotlar dasturlari va “O‘zbekiston – 2030” strategiyasini amalga oshirish bo‘yicha davlat dasturi to‘g‘risida”gi farmoniga asosan Kogon tumanida 2026-yil 1-chorakda amalga oshirilgan ishlar to’g’risida;

2. Xalq deputatlari tuman Kengashining 27.04.2026 yildagi VII-21-54-2-36-K/26-sonli qarorining 6-ilovasi (4-5-6- va 8- hamda 9-10-bandlari)ga asosan yo'naltirilgan mablagʻlarini qayta yo'naltirish yuzasidan o'zgartirish va qo'shimchalar kiritish to‘g‘risida;

3. Kogon tumanida oziq-ovqat xavfsizligini ta’minlash hamda aholini asosiy turdagi oziq-ovqat mahsulotlari bilan barqaror ta’minlash choratadbirlari to‘g‘risida;

4. O‘zbekiston Respublikasi Prezidentining 2026-yil 5-fevraldagi PQ-49-son qarorining 31-bandi asosida mahallalar infratuzilmasini yaxshilash orqali tadbirkorlik faoliyati uchun qulay shart-sharoitlar yaratish bo‘yicha Kogon tumanida shakllantirilgan loyihalarning manzilli ro‘yxati to‘g‘risida;

5.  “O‘zbekiston -2030” strategiyasining tumandagi investitsiya loyihalarini va hududning eksport salohiyatini oshirish choralarining ijrosi yuzasidan hisoboti to‘g‘risida;

6.  Kogon tumani mahallalarida o’tgan 2026-yil davomida amalga oshirilgan ishlar to‘g‘risida hamda mahallaning ijtimoiy-iqtisodiy muammolarini hal etish jamgʻarmasi daromadlari va xarajatlarining ijrosi yuzasidan amalga oshirilgan ishlar toʻgʻrisida;

7.   Kogon tumanida “Yangi O‘zbekiston bunyodkorlari” kasbiy mahorat milliy tanlovini tashkil etish va o‘tkazish to‘g‘risida;

8.  Mahallani rivojlantirish va jamiyatni yuksaltirish yili dasturi, “O‘zbekiston - 2030” strategiyasining hududlar kesimida amalga oshirilgan ishlar to‘g‘risida;

9.  Yoshlar ishlari agentligi Kogon tuman bo‘limining 2026-yil 1-chorakda amalga oshirilgan hamda 2026-yilda amalda oshirilishi rejalashtirilgan ishlari to‘g‘risida;

10.  Aholini ijtimoiy himoya qilish tizimini moliyalashtirish tartib tamoyillarini takomillashtirish to’g’risidagi PF-17-sonli farmoyishiga asosan tashkil etilgan “Infratuzilma va ijtimoiy barqarorlik” jamg’armasi mablag’lari hisobidan mablag‘lar ajratish to‘g‘risida;

Sessiya kun tartibidagi masalalar yuzasidan deputatlarning ham fikr-mulohazalari va takliflari eshitildi. Koʻrib chiqilgan masalalar yuzasidan xalq deputatlari tuman Kengashining tegishli qarorlari qabul qilindi.