Ezgu tashabbus davom etmoqda: Kogon tumanida davolash uchun vaucherlar topshirildi
2026-05-28 17:45:00 / Yangiliklar
Muborak Ramazon oyi munosabati bilan O‘zbekiston Respublikasi Prezidentining 2026-yil 21-maydagi “Muborak Qurbon hayiti munosabati bilan aholini davlat tomonidan qo‘llab-quvvatlash va mehr-saxovat tadbirlarini samarali tashkil etish to‘g‘risida” PQ–196-son qaroriga muvofiq bemor bolalar, onkologik, gematologik va onkogematologik kasalliklarga chalingan bemorlar, shuningdek transplantatsiya amaliyotiga muhtoj bemorlarni tibbiy tekshiruvdan o‘tkazish, davolash, jarrohlik amaliyotlarini bajarish topshirig'iga asosan Kogon tumanida og‘ir ahvoldagi va murakkab jarrohlik amaliyotlariga muhtoj 27 nafar bemorlarga davolanish uchun maxsus vaucherlar topshirildi.
Tashabbus tuman hokimligi, tuman sog‘liqni saqlash bo‘limi hamda Inson ijtimoiy xizmatlar markazi hamkorligida, ochiqlik va shaffoflik asosida tashkil etildi. Bemorlar va ularning yaqinlari bilan muloqot o‘tkazilib, davolanish jarayonlari yuzasidan tushuntirishlar berildi. Shuningdek, nogironligi bo‘lgan fuqarolar istiqomat qilayotgan oilalarga tashrif buyurilib, ularning muammolari o‘rganildi.
Mazkur amaliy yordam bemorlarning sog‘lig‘ini tiklashga ko‘maklashib, jamiyatda mehr-oqibat va ijtimoiy birdamlik muhitini mustahkamlashga xizmat qilmoqda.