Kogon tuman Oila va xotin-qizlar bo‘limi, tuman Ichki ishlar bo‘limi hamda tadbirkorlar va ishbilarmonlar birlashmasi hamkorligida “Ayol uchun” ijtimoiy loyihasiga start berildi
2026-05-26 17:45:00 / Yangiliklar
Loyiha doirasida ijtimoiy og‘ir ahvolga tushib qolgan, tazyiq va zo‘ravonlikdan jabrlangan, jinoyat yoki huquqbuzarlik sodir etishga moyil hamda migratsiyada bo‘lgan xotin-qizlarni qo‘llab-quvvatlash maqsadida psixologik trening mashg‘ulotlari tashkil etildi.
Treninglar davomida xotin-qizlarga ruhiy ko‘mak berilib, ularning hayotga bo‘lgan ishonchini mustahkamlash, oiladagi ijtimoiy muhitni yaxshilash hamda jamiyatdagi faolligini oshirishga qaratilgan suhbat va interaktiv mashg‘ulotlar olib borildi.
“Qo‘llab-quvvatlash va imkoniyatlar” shiori ostida o‘tkazilayotgan loyiha davomida xotin-qizlarga huquqiy, psixologik va amaliy yordamlar ko‘rsatilib, ularning bandligini ta’minlash hamda kasb-hunarga yo‘naltirish ishlari amalga oshirilmoqda.
Tadbir “Quvvat mening qo‘limda”, “Men baxtli ayolman” shiorlari ostida ko‘tarinki ruhda tashkil etildi.