Kogon tumanida faoliyat yuritayotgan ijtimoiy soha tashkilotlari mutasaddilari ishtirokida yig'ilish o'tkazildi
2026-05-22 14:50:00 / Yangiliklar
Bugun tuman markazida joylashgan Madaniyat saroyida tuman hokimi o‘rinbosari Z. Qobilov boshchiligida tuman ijtimoiy kompleks tashkilotlari rahbar va xodimlari ishtirokida korrupsiyaning oldini olish, xizmat vazifalarini halollik va mas’uliyat bilan bajarish masalalariga bag‘ishlangan yig‘ilish bo‘lib o‘tdi.
Bunda davlat tashkilotlarida ochiqlik va shaffoflikni ta’minlash, fuqarolar bilan ishlashda qonuniylikka qat’iy rioya qilish hamda korrupsion holatlarga murosasiz munosabatda bo‘lish bugungi kunning eng dolzarb vazifalaridan biri ekani ta’kidlandi.
Shuningdek, yig'ilishda har bir xodim o‘z xizmat vazifasini sidqidildan, vijdonan va mas’uliyat bilan bajarishi, aholiga xizmat ko‘rsatishda adolat tamoyillariga amal qilishi lozimligi qayd etildi.
Yig'ilish so'ngida tashkilotlarda sog‘lom ish muhitini yaratish, korrupsiyaga qarshi kurashish bo‘yicha targ‘ibot-tashviqot ishlarini kuchaytirish hamda xodimlarning huquqiy savodxonligini oshirish yuzasidan tegishli ko'rsatmalar berildi.