Yaqinlashib kelayotgan yangilanish va yasharish ayyomi – Navroʻz munosabati bilan Kogon tumanidagi Madaniyat va istirohat bogʻida kogonlik yoshlar uchun “Yoshlar sayli” tadbiri tashkil etildi.
2026-03-16 12:15:00 / Yangiliklar
Tadbir doirasida yoshlar o‘rtasida sport bellashuvlari, milliy o‘yinlar, ijodiy tanlovlar hamda madaniy konsert dasturlari tashkil etildi. Xususan, futbol, voleybol, shaxmat va shashka turlari bo‘yicha o‘tkazilgan sport musobaqalarida yoshlar o‘z kuch va mahoratini sinovdan o‘tkazdilar. Musobaqa yakunida g‘olib va sovrindorlar faxriy diplom hamda esdalik sovg‘alari bilan taqdirlandi.
Shuningdek, tadbir davomida insholar va rassomlik yo‘nalishlarida tashkil etilgan ijodiy tanlovlarda yosh ijodkorlar bahoriy kayfiyat va bayramona ruh aks etgan ijodiy ishlari bilan ishtirok etdilar.
Tadbir davomida yosh, iste'dodli san’atkorlar ishtirokidagi konsert dasturi tadbirga o‘zgacha ko‘tarinki kayfiyat bag‘ishlab, mehmonlarga unutilmas taassurotlar ulashdi.
Bunday tadbirlar yoshlarning iste’dodini ro‘yobga chiqarish, ularni Vatanga sadoqat, milliy g‘urur va yurt ravnaqi yo‘lida faol bo‘lish ruhida tarbiyalashda muhim ahamiyat kasb etadi.