Kogon tumanida tezkor va zamonaviy davlat xizmatlari – 2025-yilda 31 mingdan ortiq murojaat ijobiy hal etildi!
2026-03-02 08:40:00 / Yangiliklar
Ta'kidlash o'rinliki, Kogon tuman Davlat xizmatlari markazi tomonidan 2025-yil davomida aholi va tadbirkorlik subyektlariga jami 31 ming 717 ta davlat xizmati ko‘rsatildi. Ko‘rsatilgan xizmatlarning asosiy qismini ijtimoiy-iqtisodiy yo‘nalishdagi xizmatlar tashkil etib, bu hudud aholisi ehtiyojlaridan kelib chiqib xizmatlar ko‘rsatish tizimi samarali yo‘lga qo‘yilganini ko‘rsatadi.
Shu bilan birga, markaz tomonidan hozirgi kunda 40 dan ortiq davlat xizmati proaktiv va kompozit shakllarda taqdim etilmoqda. Proaktiv xizmatlar fuqarolarning murojaatisiz, ma’lumotlar bazasi asosida avtomatik tarzda ko‘rsatilishi bilan ajralib turadi. Kompozit xizmatlar esa bir nechta davlat xizmatlarini yagona jarayonda birlashtirgan holda ko‘rsatilib, ortiqcha hujjatbozlik va vaqt yo‘qotilishini sezilarli darajada kamaytiradi.
Markazga tashrif buyuruvchilar uchun barcha zarur shart-sharoitlar yaratilgan. Xususan, qulay va zamonaviy kutish zali, bolalar maydonchasi, tibbiyot xonasi hamda boshqa yordamchi infratuzilma obyektlari tashkil etilgan. Bu esa fuqarolarga xizmatlardan qulay va munosib sharoitda foydalanish imkonini yaratmoqda.