Buxoro viloyati Kogon tumani hokimligi

Xususan, g‘alla ekinlarini o‘z vaqtida oziqlantirish, ularni zarur miqdorda mineral hamda mahalliy o‘g‘itlar bilan ta’minlash, shuningdek, sug‘orish ishlarini sharbat (eritma) usulida tashkil etish orqali o‘simliklarning vegetativ rivojlanishi qo‘llab-quvvatlanmoqda. Bunda agrotexnik tadbirlarning o‘z muddatida va sifatli bajarilishiga alohida e’tibor qaratilib, har bir dala kesimida nazorat kuchaytirilgan.

Ma’lumotlarga ko‘ra, tumanda jami 261 ta fermer xo‘jaligi tomonidan 4 ming 511 gektar maydonda g‘alla parvarishlanmoqda. Mazkur maydonlarda olib borilayotgan izchil ishlar natijasida ekinlarning barqaror o‘sishi ta’minlanib, kelgusida mo‘l va sifatli hosil yetishtirish uchun mustahkam zamin yaratilmoqda.

Shuningdek, sohaga mas’ul mutaxassislar tomonidan dala sharoitlari muntazam o‘rganilib, agrotexnik tadbirlarning samaradorligini oshirish yuzasidan amaliy tavsiyalar berilmoqda. Bu esa tumanda g‘allachilik yo‘nalishida barqaror rivojlanish va oziq-ovqat xavfsizligini ta’minlashga xizmat qilmoqda.