Kogon tumanida 24/7 tartibida faoliyat yurituvchi zamonaviy ko‘cha tashkil etilmoqda
2026-01-17 12:25:00 / Yangiliklar
Mazkur loyiha doirasida milliy an’analar va zamonaviy infratuzilma uyg‘unlashgan holda obodonlashtirish, yoritish, savdo va xizmat ko‘rsatish nuqtalarini joylashtirish, fuqarolar uchun qulay va xavfsiz muhit yaratish nazarda tutilgan. Ushbu hududda mahalliy ishbilarmonlar, tadbirkorlar hamda ovqatlanish sohasi vakillari faoliyat yuritishi uchun barcha zarur shart-sharoitlar yaratiladi.
Aholi va tumanimiz mehmonlari uchun milliy taomlar, shirinliklar, hunarmandchilik mahsulotlari, savdo shoxobchalari hamda zamonaviy servis xizmatlarining keng turlari taklif etilishi rejalashtirilgan. Bu esa nafaqat hudud aholisining dam olish va bo‘sh vaqtini mazmunli tashkil etishga, balki ichki turizmni rivojlantirishga ham xizmat qiladi.
Uzunligi qariyb 500 metrni tashkil etuvchi mazkur 24/7 ko‘cha orqali sayr qilish uchun qulay maskanlar, oilaviy dam olish hududlari, turistik obyektlar barpo etilib, yangi ish o‘rinlari yaratilishi ko‘zda tutilgan. Natijada aholining bandligi ta’minlanib, tadbirkorlik subyektlari faoliyati yanada kengayadi.